GR8 (Closed)

呢日同朋友黎到澳南呢邊覓食，見到呢間GR8都好似唔錯，咁所以就入咗嚟睇睇，見餐牌上面嘅嘢都好啱食，所以我哋就揀咗呢度！因為平日嘅關係同埋我哋早，餐廳都唔算太多人，我哋可以揀自己想坐嘅位慢慢嘆，我哋睇完餐牌之後就自己出去落單，我哋叫咗個二人餐，叫咗一個溫泉蛋燒肉汁牛扒 丼飯、一個beef all day breakfast, 其實兩款main course嘅牛都好相似，一樣咁好食！小食我哋就要咗薯條！飲咗一杯Cappuccino同一杯mocha~ 首先講吓丼飯，個丼飯真係幾好食，溫泉蛋絕對係畫龍點睛，篤爆咗隻蛋將啲蛋汁撈埋啲牛，同埋啲飯到一啖咁樣食，真係好享受，我都忍唔住係咁扒飯！至於個all day breakfast亦都係水準之作！配埋太大塊煙肉，牛角包，好滑嘅炒蛋，仲有忌廉蟹肉餅，真係好豐富！令人食到唔想停！呢個二人餐仲有湯同沙律可以揀，我哋就每人要咗一樣，湯夠晒Creamy沙律夠晒新鮮！嘢飲都好靚同埋好好飲，平日晚上來S食真係夠晒chill!最後仲用左好好食既brownie作結！完美！