想影相呃下人以為係韓國去呢到一定得
幾乎餐廳每一個位都係打卡靚位❤️🔥
還原韓國嘅布帳馬車環境🇰🇷
就連我啲韓國朋友都以為我人在韓國
❣️韓式炸醬麵 $98
係香港好難揾到咁正宗嘅韓式炸醬麵🥹
不論味道同麵質都係完美演繹韓國風味
麵條食落夠彈牙🖤仲充分吸收炸醬嘅味道
呢個真係值得大家一食！
❣️泡菜豬肉豆腐湯 $118
天氣凍少少飲個泡菜豬肉豆腐湯最岩😎😎
🔥辣辣地又熱熱地即刻暖返曬
不過麻油味就重左少少🥲但都係正正
因為泡菜夠曬多 所以泡菜味都好出
個湯最勁嘅係就算食曬成餐再飲都仲係保持到個份熱辣辣嘅温度🙈
❣️新沙洞炸雞半份 甜辣味 $88
人少少可以整半份過下癮 細細地🤣
炸雞外皮炸到好酥脆🍗肉質嫩滑
配上甜辣醬係完美嘅結合
而甜辣醬好均勻 每件炸雞都有😝😝
❣️韓式醬牛肉紫菜飯卷 $98
飯卷舊舊都有返咁上下分量🫣
餡料都係實的的 俾得都好足
有韓式醬牛肉嘅出現令紫菜飯卷增添香口嘅口味🐂
❣️草莓牛奶配蜂巢特飲 $88
一個幾有特色嘅特飲✨✨
用蜂巢黎增添整體嘅甜度
而蜂巢會預先切好放係杯仔到🐝
再將草莓牛奶倒入有蜂巢嘅杯杯🍓
飲落會帶有清涼 甜甜嘅牛奶口味
平時鍾意食甜野嘅你 咁都叫返個先得
