李圓圓 (寶安大廈) (Closed)

今次試下最近好出名既李圓圓！🔻黑糖珍珠鮮奶2.0 李圓圓個logo好可愛呀，好似小丸子係度飲珍珠奶茶咁樣。本身同朋友去過荔枝角店，但原來旺角都開左分店。中日韓文都包含既menu寫住黑糖珍珠鮮奶2.0係熱門，既然係2.0應該係進化版珍奶，心急想試下。店員妹妹調左杯完美比例比我，好nice咁提我飲之前，用飲管搞勻先飲。首先要讚下啲珍珠先，口感Q彈煙煙韌韌，而我個人中意chewy啲既珍珠，正正合我心意😻並唔係間間都做到咁既口感。珍珠加左黑糖，黑糖味都好濃，不過甜左小小，而珍珠係無得揀甜度。至於鮮奶就唔係好甜既，甜味主要來自珍珠。其實一啖鮮奶吸埋黑糖珍珠，真係完美組合。整體上都幾好飲既