富士山55 (拉麵沾麵專門店) (Closed)

夏日炎炎!但朋友都係想食熱辣辣既拉麵，行到黎富士山55。店面睇落好細間，入邊應該都唔會太大。可以講得上係麻雀雖小五臟俱全，最入邊係半開放式廚房! 拉麵店最窩心係牆身既日式設計!每張枱旁邊都有一個掛勾可以俾你掛袋，十分方便👍湯底種類比較多，加埋有13款，有部分更加可以自由選擇拉麵或沾麵👍非常之唔好彩俾我抬頭一望見到呢款柚子豚骨湯!!夏天無乜胃口，一於試下新口味挑戰味蕾💪夏天太熱，真係要叫返罐日本啤降降溫。啤酒夠冰凍，正❗❄等左無耐終於上麵，沾麵中間真係有柚子!😆原本諗住只係加柚子落麵撈埋黎食，但一飲湯發現十分清新既柚子味!未試既時候都覺得兩種味道加埋會好怪，但食落有另一返風味完全無違和感!但反而柚子味會蓋過豬骨湯既味，感覺整個係熱既柚子湯😂加左一隻蛋，溏心效果唔錯，中間部份仲係半凝固狀態，但略嫌唔夠蛋香唔夠凍叉燒我覺得一般般，因為中間脂肪部份比較爽，似五花腩，無平時食開入口即溶既口感。雖然肉香，但少左油脂既香口試哂配料，係時候番熱個湯黎食，食沾麵我比較鍾意熱啲既湯。每枱都有一個電子爐，方便自己加熱，控制溫度👍麵身比平時食開既沾麵幼身少少，而我點左軟身麵，會比較吸味。沾上湯一齊食，清新柚子