Video
Read full review
2019-08-17
48 views
師傅睇返上次寫嘅食評，不經不覺都已經一年了，喺呢一年裡師傅都食咗唔少嘢，但點解冇寫呢? 咪就係因為太忙嘅緣故加上又懶懶地，所以好少寫食評。今日忽然心血來潮，興之所至，決定短期內會分享一系列同車仔麵有關嘅食評，而呢一系列食評，師傅主要會寫幾個餸，分別係豬紅，豬皮，豬腸。何解? 因為師父覺得車仔麵中呢三道菜最難煮得好，單單試呢三個餸足以見真章。而第一篇師傅就揀咗呢一間食店。其實師傅前前後後都嚟過呢間食店四至五次，而呢間食店一向比師傅嘅感覺都唔錯，所以師傅亦都有介紹比黑食會嘅肥鄧。入到去入唔算多，揀啱位坐低後就立即劃野食。是次師傅就揀咗五個餸加米粉，分別係豬紅，豬皮，豬腸，紫菜同埋咖哩魷魚，配上中辣，劃好後即交比店員，等左唔洗好耐，一碗熱辣辣嘅車仔麵就放左喺師傅面前。一如以往，師傅第一啖當然是試下個湯底，湯底味道唔算特別話好出色，味道淡淡的，唔算濃，但味精也不算多，可以啦，原來一匙羹嘅辣醬就等於中辣，師傅將啲辣醬放落湯度撈勻佢，再飲兩啖發覺湯底比之前辣少少，但唔算超辣，絕對食到。之後再試下紫菜，就係一大餅紫菜，又冇乜特別，就係紫菜囉。至於豬紅就滷得好入味，一粒粒四四方方，入口煙煙韌韌，唔會一
今日忽然心血來潮，興之所至，決定短期內會分享一系列同車仔麵有關嘅食評，而呢一系列食評，師傅主要會寫幾個餸，分別係豬紅，豬皮，豬腸。何解? 因為師父覺得車仔麵中呢三道菜最難煮得好，單單試呢三個餸足以見真章。
而第一篇師傅就揀咗呢一間食店。其實師傅前前後後都嚟過呢間食店四至五次，而呢間食店一向比師傅嘅感覺都唔錯，所以師傅亦都有介紹比黑食會嘅肥鄧。
入到去入唔算多，揀啱位坐低後就立即劃野食。是次師傅就揀咗五個餸加米粉，分別係豬紅，豬皮，豬腸，紫菜同埋咖哩魷魚，配上中辣，劃好後即交比店員，等左唔洗好耐，一碗熱辣辣嘅車仔麵就放左喺師傅面前。
一如以往，師傅第一啖當然是試下個湯底，湯底味道唔算特別話好出色，味道淡淡的，唔算濃，但味精也不算多，可以啦，原來一匙羹嘅辣醬就等於中辣，師傅將啲辣醬放落湯度撈勻佢，再飲兩啖發覺湯底比之前辣少少，但唔算超辣，絕對食到。之後再試下紫菜，就係一大餅紫菜，又冇乜特別，就係紫菜囉。至於豬紅就滷得好入味，一粒粒四四方方，入口煙煙韌韌，唔會一夾就碎，味道唔錯，師傅甚為欣賞，絕對係必食推介。
另外豬皮大大塊，而且非常爽口，每一塊都係咁夾，冇一塊係腍口嘅，所以好好食，食得好過癮，師傅繼續推介豬皮係必食的。至於豬腸就略為失少少，本身炆得未算好腍，不過算幾入味，咬口就普普通通，唔算話好吸引，可以! 最後咖哩魷魚，咖哩魷魚冇咖哩味，不過魷魚本身好爽好口，香香嘅魷魚味可以掩蓋冇咖哩味，嗰個感覺可以，還可以啦! 至於米粉好普通，不過不失，作為一碗車仔麵嘅麵底嚟講可以。
總括嚟講車仔麵水準屬中上，環境都舒服，唯一係冷氣唔多夠，食到成身汗，搞到而家個身都臭崩崩，埋單56蚊，今時今日邊度食碗車仔麵都差唔多價位，所以師傅都覺得可以。最後肯定有機會都會再黎，因為佢嘅選擇都算幾多，而且味道也不錯，希望下次佢個冷氣真係可以開得放啲。是次笑臉係會比，希望可以繼續保持水準啦！
Post
