香港火鍋可以分三大類
第一類係任飲任食，第二類係麻甩邊爐
第三類就係精品火鍋
呢期三類都有食過
酒窩就係第三類可以坐係道同朋友邊傾邊食嘅火鍋啦
六人被安排坐卡位，都唔係好逼，可能因為我減肥有功
醬料架如米缸，值得一讚右上角蒜泥旁嘅炸蒜，勁香口，就咁食都吸引
燈泡嘢飲，飲咗檸檬薏米水，味道唔錯
難得嚟一次，就叫咗呢個酒火入鍋
試完我哋都覺得中間果個木瓜最清甜，我都好鐘意果個清湯腩湯底
果個電線其實係水蓮😂😂😂😂自從上次係台灣食過就好想再食，但真係唔係好多地方有得食🤔
另外必叫沙薑雞餃，夠大隻雞，沙薑雞味濃
響鈴有埋錦鹵汁👍🏻👍🏻👍🏻
呢個麻辣鍋鍋我是欣賞佢個鴨血同臭豆腐，臭豆腐超香口😚😚
肉肉都唔錯，落係沙嗲汁果格加埋烏冬一流
手打丸選擇多，有芝心嘅會好味d
