Read full review
2021-07-14
1206 views
以前讀書喺SOHO返part time，成日同同事收工去何蘭正食嘢同飲番杯，最近知道何蘭正搬咗上樓，搵埋舊同事再嚟回味一下。新鋪喺雲咸街斜路，一棟商業大廈嘅2樓，空間感比舊鋪大好多！仲有幾幅落地玻璃透入自然光，感覺休閒自在。新鋪嘅打卡位更多更靚，招牌霓虹燈牌「鬼佬涼茶」亦都依然喺到。✨Flat White $40✨Iced Mocha $50咖啡可以選擇Nutty或Fruity口味，Flat White拉花細緻，咖啡入口順滑，甘香十足。Iced Mocha啡奶平衡得啱啱好，朱古力香氣慢慢滲出。✨香煎澳洲牛面珠漢堡 $138好有特色嘅fusion burger，用上澳洲牛面珠，肉質軟腍鬆化，而且份量多，層層疊嘅牛面珠加上滿滿沙嗲醬，賣相已經令人流哂口水。沙嗲醬香濃，帶點微辣，惹味得嚟唔會蓋過牛香，係高質版沙嗲牛！入面配料仲有金菇同酸洋蔥，味道又出奇地夾，仲好有新意！伴碟薯條同樣出色，薯條炸得金黃香脆，而且唔油膩，熱辣辣食到停唔到口！✨龍膽石斑魚柳漢堡 $168石斑魚煎得好香，表面金黃，肉質結實滑溜唔鬆散，同時帶有魚油甘香，最鐘意佢無骨啖啖肉，食得開心盡興呀！配料有我最愛嘅芫茜，仲有好特別
新鋪喺雲咸街斜路，一棟商業大廈嘅2樓，空間感比舊鋪大好多！仲有幾幅落地玻璃透入自然光，感覺休閒自在。
新鋪嘅打卡位更多更靚，招牌霓虹燈牌「鬼佬涼茶」亦都依然喺到。
✨Flat White $40✨Iced Mocha $50
咖啡可以選擇Nutty或Fruity口味，Flat White拉花細緻，咖啡入口順滑，甘香十足。Iced Mocha啡奶平衡得啱啱好，朱古力香氣慢慢滲出。
✨香煎澳洲牛面珠漢堡 $138好有特色嘅fusion burger，用上澳洲牛面珠，肉質軟腍鬆化，而且份量多，層層疊嘅牛面珠加上滿滿沙嗲醬，賣相已經令人流哂口水。沙嗲醬香濃，帶點微辣，惹味得嚟唔會蓋過牛香，係高質版沙嗲牛！入面配料仲有金菇同酸洋蔥，味道又出奇地夾，仲好有新意！
伴碟薯條同樣出色，薯條炸得金黃香脆，而且唔油膩，熱辣辣食到停唔到口！
✨龍膽石斑魚柳漢堡 $168石斑魚煎得好香，表面金黃，肉質結實滑溜唔鬆散，同時帶有魚油甘香，最鐘意佢無骨啖啖肉，食得開心盡興呀！配料有我最愛嘅芫茜，仲有好特別嘅醃奇異果，醃奇異果味道酸酸甜甜好清新；皮蛋他他醬又係另一個創意新嘗試，又估佢唔到味道可以咁夾，毫無違和感，仲好好食！
Post
