Read full review
2019-07-28
1439 views
喺訂枱app見到Papi呢間餐廳，再上openrice睇吓有乜食，原來係意大利餐廳🍴，啲評價都唔錯。由於六點入座有半價優惠，所以去完動漫展之後食個early dinner😉。本身以為係前pokka cafe個位，原來係向海向避風塘嗰邊，佢有啲outdoor位但喺正大馬路旁加上呢個天氣，應該又焗又食塵🙈。我哋搵咗陣先搵到個main door😅，一入到去Staff已經清楚訂枱資料，帶咗我哋去張二人枱，仲問我哋有無食過，叫我哋如果有咩問題可隨便問佢哋，服務加哂分😉，另外7點前仲有Happy hour🍻。Menu🧾大大張，實在好花多眼亂，小食、主菜、配菜至甜品都好多選擇，而且款式都比較特別，唔係普通西餐廳見到嗰啲👍🏻。另外亦有happy hour嘅drink menu，比起食物易選擇🤣我哋叫咗兩杯嘢飲，一杯Sparkling Wine (Soligo Spumante Prosecco)🥂($58)同一枝Goose Island嘅Honkers Ale🍺($48)，兩樣都好易入口幾唔錯，可能我太口渴，好吸收😂，所以飲咗兩啖，係兩啖，我竟然已經有啲😽😽🙈。餐廳會為每枱送上餐前小食，係一啲脆片，碟
我哋搵咗陣先搵到個main door😅，一入到去Staff已經清楚訂枱資料，帶咗我哋去張二人枱，仲問我哋有無食過，叫我哋如果有咩問題可隨便問佢哋，服務加哂分😉，另外7點前仲有Happy hour🍻。
Menu🧾大大張，實在好花多眼亂，小食、主菜、配菜至甜品都好多選擇，而且款式都比較特別，唔係普通西餐廳見到嗰啲👍🏻。另外亦有happy hour嘅drink menu，比起食物易選擇🤣我哋叫咗兩杯嘢飲，一杯Sparkling Wine (Soligo Spumante Prosecco)🥂($58)同一枝Goose Island嘅Honkers Ale🍺($48)，兩樣都好易入口幾唔錯，可能我太口渴，好吸收😂，所以飲咗兩啖，係兩啖，我竟然已經有啲😽😽🙈。
餐廳會為每枱送上餐前小食，係一啲脆片，碟上仲放有啲青醬同黃色醬比你點。但呢樣真係麻麻哋，唔夠脆，啲醬又無咩味。😐
34 views
0 likes
0 comments
小食其實有好多樣都想試，但最終只係叫咗一樣，Polpettine di Granchio($118)，香煎蟹餅配辣椒及小菜苗，上碟有三嚿蟹餅下低鋪咗啲菜苗，size唔算大(圓周大約一個柑🍊)。一切開已經見到好多🦀蟹絲😍，哇一食，真係不得了，超好食❗️❗️❗️係我食過最好食嘅crab cake，沒有之一，勁鮮味，而且仲有啲啲辣味，令到成個味昇華咗。我唔知啲辣味係本身個餡已經有，定來自面頭嗰啲紅椒？配埋啲菜苗☘️(無草青味)食，真係好正。由於太好食，覺得個份量真係可以double哈哈🤣🤣。
Polpettine di Granchio
$118
16 views
0 likes
0 comments
Pasta就叫咗Pici di Papi ($148)(手造粗麵、新鮮蕃茄及脆蒜片)🍝，呢個係無肉的，嗌呢個主要因為想食粗麵，嗯果然無失望，個麵超彈牙又夠粗，口感一流👍🏻，仲有飽肚感(雖然碟pasta只係中等size)。而且個蕃茄醬🍅都好惹味，酸酸哋配上蒜片超香。
Pici di Papi
$148
30 views
0 likes
0 comments
主菜就要咗Maialino Arrosto ($418)(意式燒乳豬、柑橘芥茉及香草)，呢個乳豬🐖同我想像中好唔同，個碟超大有大約7至8件乳豬件，下底有好多蘋果同椰菜，個汁甜甜哋幾正但有啲油。乳豬皮好細塊，但都脆嘅，肉唔多，而且較多肥膏。不過夾埋啲蘋果🍎同椰菜🥬就好match幾好食，但如果兩樣分開食就無咁特別。
Maialino Arrosto
$418
15 views
0 likes
0 comments
配菜就叫咗Zucchini Fritti($68)香炸意大利青瓜🥒，由於我係一個青瓜控🥒🥒🥒，所以一於叫嚟試吓，之前都無食過炸的，btw佢唔係平日好爽嗰隻cucumber青瓜。完全估唔到會咁大兜，份量超多，食青瓜都食飽🤤，熱辣辣炸起好正，外面脆皮薄薄似天婦羅，咸咸哋夠哂味，瓜肉就仲好juicy。😍
Zucchini Fritti
$68
20 views
0 likes
0 comments
最後甜品就叫咗Papi’s Tiramisu ($68)(提拉米蘇、馬斯卡邦芝士、手指餅及濃縮咖啡)，my all time favourite😍😍，甜品以碗盛，朱古力粉整有papi字樣，幾精美，份量都唔細👍🏻。味道都唔錯，夠濕，但就無酒味，不過佢寫明的。我自己就比較鐘意有酒味，雖然佢唔算勁好食，但都絕對值得一食🤗😋。
Papi’s Tiramisu
$68
54 views
0 likes
0 comments
總括嚟講，呢間餐廳好高質，而且成個用餐過程超舒服，由入座、用餐到埋單，服務都好好😉。店員又會不斷幫你加水，又會問你覺得好唔好食，好好禮貌，而且每個店員都好醒目😎，落單唔會錯唔會漏，唯一可改善就係上菜嘅次序，小食應該上先過個pasta。另外，餐廳環境好舒服好chill，由於較早時間未係好多人，唔嘈，可以傾住偈靜靜哋食晚飯睇日落🌄；餐廳裝修亦都幾classy，仲有色彩繽紛嘅餐碟亦令人好開心。不過留意返，餐廳定價都比較貴，例如個乳豬要四百幾蚊💸，但份量係唔少的(之前上網睇好多人都講細碟，所以比我想像中多哈哈)。即使我已經享有半價優惠，但埋單每人都要三百幾蚊。不過食物質素同環境都好正，所以我絕對推介，亦都會encore😁😁👍🏻。
Post
