萬麗咖啡室

Open Now

Now Closed

2021.04.02 萬麗復活節第一日假期book左lunch buffet, 我地係第二輪，食2點。點九黎到，已經一條龍係度，好彩佢地安排座位都好快，唔洗點等。坐都算闊落，攞野食都好近，野食選擇唔多。唔係拎左好多野食，真係樣樣試下。慢煮牛肉，好淋，配埋d醬幾好味，職員仲好有心機擺盤。長腳蟹，望晒壽司同海鮮，都係拎長腳蟹。唔知係咪前面d人拎得太兇狠，我夾之前岩岩refill, d 蟹未融好雪，咬落去好凍，有碎冰。烤牛肉，第種口味，呢個濃味既，肉硬身d，都好味。乾炒河粉，河粉炒得幾香，唔會過油，係d肉條（我懷疑係叉燒）好硬好銀。炒飯，冇特別，唔洗夾甘多。有碟豆角青椒炒蝦炒墨魚，d蝦同墨魚幾好味，爽口彈牙。燒肉，幾特別既，肉正常，係個皮硬到咬唔到。甜品拎左芝士蛋糕、朱古力慕絲同桑莓牛奶布甸，呢幾樣都幾好。可惜飽了，冇試到佢既咖哩薄餅蝦片，Haagen Dazs, 芝麻糊同埋個即整既窩夫。