我哋三個人叫咗三個餸一個前菜， 有蒜泥白肉，口水雞，牙籤羊肉串仲有干煸肥腸， 全部都係開胃嘢，咁就梗係要叫返三碗白飯啦！
呢幾個餸真係冇得輸， 唔好睇佢咁多辣椒，其實都唔係話十分辣， 我覺得一般食到少少辣嘅人都冇問題， 我哋嗌咗好似都唔夠五分鐘，啲餸就嚟齊，真係好快手， 味道我就唔多講喇， 因為講多都無謂， 唔試過係唔會知道有幾好食架。
最後我哋仲加咗個炸饅頭收尾， 呢個炸饅頭真係不得了， 食完一個係會想即刻食第二個， 食完第二個係會覺得唔夠喉，想即刻嗌多份！
成餐三個人加埋食咗445蚊， 除番開每人都係百五蚊左右，都幾抵食！會再去！
