今晚一行12人，分成三枱幫三位三月之星補祝生日。喺限聚令之下，可以容納到咁多人嘅餐廳少之又少，我哋就揀咗呢間牧羊少年啦～ 餐廳空間好大，佈置又非常有心思，好靚好文青feel。而且店員都好nice好helpful！
重點係呢間係黃店黎咖！
🟡牧羊少年咖啡館多次表態發聲
🟡仲曾經罷市支持三罷
🟡捐過錢比612人道基金
講返食物先，我哋一枱四個人叫咗個四人餐（「大吃四方」），可以揀一款沙律（半份）、三款小食、兩款主食、一款窩夫、四杯無酒精飲品，先係$598，一個人$149.5，好抵呀！
1
🥗 煙三文魚凱撒沙律✨
明明話係半份，但超大份😝 清新嘅沙律菜，加埋面豇金嘅芝士同脆片食已經好正，仲有超脆吒卜麵包粒同四舊大大舊嘅三文魚，口感豐富，我比滿分☺️
1
🍟 芝士薯條✨
芝士超多超邪惡！薯條份量都好多！四個女仔完全食唔曬！
🍗 辣牛油水牛城雞翼✨
脆脆哋辣辣哋嘅雞翼，佢有陣清新嘅味道，比一般水牛城雞翼更好味，感覺又一啲都唔熱氣😋
🥓 黑椒牛柳粒✨
啖啖肉，超好食！仲有咗石板裝住，一路燒，又香又多肉汁，極吸引！
🍝 蕃茄蓉煙三文魚長通粉✨
長通粉煮到軟硬適中，三文魚份量都好多。雖然個人覺得醎咗少少，但真係好食，我自己都係咁添食😆
🍕 瑪格麗塔Margarita✨
Margarita係呢度最平嘅一個pizza，pizza上面只有芝士、蕃茄醬同香草，但我哋一致認為超好食！味道正之餘，呢個薄批非常脆！100分！
1
🧇 比利時之戀✨
其實食完正餐我哋都飽曬，但呢個窩夫真係好好食，個窩夫又熱又脆，仲有朱古力嘅香味，加埋oreo雪糕，冰火交融，好好味😭
🍹 香橙蜜桃沙冰✨
好清新嘅味道，橙味好香，甜酸味道嘅中和，啱啱好☺️估唔到嘢飲都咁驚喜☺️
🧉 凍coco朱古力（士多啤梨）✨
外表超級引！朋友都話好好飲！但我冇quota食甜品又飲朱古力啦☹️
總結所有嘢份量都好大，味道都好好食，一定會encore！
