來多碗車仔麵 (康寧道) (Moved) New Location

開左一排都未有時間去試，今日咁岩經過終於可以有時間試下。先講下店內既格局，入面有卡位有普通位，地方不算大，但空間感不錯。因為是下午茶時間去食的關係，店內不算太多人，環境幾舒服。店內的車仔麵是以即叫即整的形式進行，我叫了三餸車仔麵，而我朋友更為食的叫了四餸車仔麵。餸既選擇同一反般車仔麵鋪頭冇咩大分別，而我和朋友都不約而同咁叫左冬菇，因為一入到間鋪已經聞到好香既冬菇味!!!一如我們所料，冬菇真係好入味，另外朋友推介魚皮餃亦不錯。湯底方面亦很入味，雖然食唔出係用咩食材煮既湯底，但係湯底食落就感覺好有「滷水」的味道，幾特別!!