Naiyana Thai Ubon Restaurant

藍田地鐵站附近不嬲多野食，但藍田人話我知，講好食泰菜，一定係呢間！咁犀利，要黎試下啦

泰式炸蝦餅

炸蝦餅有6粒，味道上不過不失，但勝在真係非常熱辣辣！外皮又脆，口感一流

招牌海南雞（半隻）

海南雞又滑又大份，冇咁多形容詞啦大家都知海南雞咩味，總之正！

泰式滷水無骨豬手

豬手，超 多 肉！😂好似食極食唔完咁，好入味好正，呢個大滿足，必嗌

烤薄餅

呢個除非好想點咖喱，否則唔洗試

泰式酸辣無骨鳳爪

偏辣😂怕辣小心，不過鳳爪多！好過癮！

泰式炒雜菜

正正常常炒雜菜，少少芡汁但唔多，ok

泰皇咖喱炒軟殼蟹

咖哩軟殼蟹，超多蟹！極抵嗌！啲汁偏椰，個人好愛

泰式青木瓜沙律

好少可青木瓜沙律咁多青木瓜🥹🫶🏻正

總體而言，有下次！