麵尊

Open Now

Now Closed

朋友介紹下嚟試下，基於我一位親友係經營車仔麵店，又基於曾經滄海難為水，所以我試其他車仔麵係好難覺得好好食嘅。 到店時已有一條短人龍，第一感覺係裝修幾舒服，安排入座亦有序，排隊時俾你圈紙仔落定單，等了大約5分鐘已經入座。坐低後好快已經有嘢食，賣相靚仔，睇見到心曠神怡 🤣 我食嗰碗，蟹柳係hea嘅，唔係仿真度更高嗰隻靚蟹柳。但其他餸都唔錯，最出色係豬大腸😻。河粉係幼身但好滑，但唔知點解好吸湯，食咗幾啖，睇落已經好似變咗湯河粉咁。成件事感覺都係 good 嘅，埋單$72蚊一碗，第一反應覺得好貴。但諗深一層，以呢個淨日本拉麵同台灣麵等都要八九十蚊起，呢間又地舖又有心機裝修，製作都算認真，又即刻覺得算係有良心。