CAMPSITE (朗豪坊) (Closed)

琴日同朋友4個人打算食餐好啲嘅，見呢間西餐未試過，所以入嚟試吓。入嚟一坐低已經有一位女服務員過嚟推介menu嘅食物同飲品，態度誠懇親切，又有禮貌，喺而家餐飲業中係難得一見。食物方面整體上不錯，經過一輪推介後，最後決定叫塊肉眼扒、蝦多士、羊架、雞肉泡菜意粉同埋龍蝦手撕麵，先講牛扒幾大件亦都幾有牛味，5成熟配埋紅酒就啱啱好，性價比嚟講牛真係滿分，自問自己都幾大食，但食完塊扒已經飽晒😂。另外意粉俾我哋想像中有驚喜，雞肉泡菜意粉嘅配搭幾新奇有趣，食落味道都相當不錯，羊架同蝦多士都好食，龍蝦麵就更加唔洗講，香味十足又吸晒啲湯。最後再讚多次啲服務態度，因為有時去食嘢受氣真係食龍肉都冇味，嗰位企水吧嘅女服務員嘅態度真係好值得一讚。