616牛肉火鍋專門店 (三陂坊) (Moved) New Location

男朋友想食打邊爐，我記起上次同朋友係尖沙咀食過616分店好好食，所以同佢黎試下佢屋企樓下間616荃灣616同尖沙咀616既裝修風格好唔同，尖沙咀感覺係新潮既酒吧風格，而荃灣就裝修到好似80年代既大排檔咁，好復古另外仲有牛肉檔、零食鋪裝飾，大玩懷舊feel餐廳有兩層，二樓主要係大台兩個人食左一大台，都係400蚊，飽到上心口上次食左麻辣湯底，念念不忘，真係好好食。不過男友唔食辣，今次就試下佢個酸菜湯底。酸菜湯底都有好多花椒，所以食落都會有點麻，雖然放左幾條辣椒，但係我就完全唔覺得辣。呢個湯底都唔錯，男朋友好欣賞不過我都係鍾情麻辣湯底多d！餐廳有自助醬料區，佢有牛肉汁選擇，係一種甜甜地類似壽喜燒汁既味道，點牛肉同烏冬好正推薦：手打牛滑澳洲和牛道庭烏冬手打牛滑$48好重牛味，而且就算煲幾耐都係咁軟滑澳洲和牛$48睇落好肥，但整熟左之後油脂同牛肉分佈剛剛好，入口即融好好食美國天然肩胛肉$48主打100%天然，牛味濃，雖然比起和牛冇咁淋但仍然好滑炸魚皮$28 & 炸響鈴$28好脆好大碟，打邊爐必食稻庭烏冬$28煮幾耐都咁煙韌，同牛肉汁一齊食好正呢間火鍋店既酒水都幾抵，可樂$9好凍好夠氣，飲到好爽。