Read full review
2018-12-23
438 views
去開天后,有人介紹我食呢間排晒隊嘅河粉店。隔離有一間都係賣河粉嘅店舖,門外貼晒同明星嘅合照,相反呢間貼得冇咁多但就排哂隊咁?我好鍾意食河粉,最鍾意食清湯,今次就試吓佢呢碗有幾特別。我叫咗清湯魚蛋粉,同行叫左咖喱腩。一開頭食嘅時候都冇諗住特別留意啲咩,到我記得自己要寫食評要食真啲嘅時候已經食超過半碗⋯⋯我係好細食同埋食得非常慢嘅人,但係佢竟然咁快俾我K.O.左,證明佢份量一定唔多,而且又真係好好味令我冇邊食邊彈。河粉筷子唔易夾斷,啲粉一條條分開 完全冇一舊舊嘅情況,厚薄粗幼適中,滑溜有咬口。暫時來講應該係我食過最正嘅河粉質感。魚片方面,食得出油炸嘅香,冇磨牙(平時食魚片會有少少磨牙嘅感覺),爽口,厚薄適中。魚蛋好爽口,味都幾好,不過我覺得魚片好味啲。清湯就咁飲都唔咸,食落亦唔會覺得淡,做到呢個效果真係要讚。的確呢間野我自己覺得唔會令人食完之後哇一聲,但係就會不自覺咁樣食完一碗再想食多碗,下成經過都會想再嚟食。成碗嘢都冇嘢俾我挑剔,已經好勁。個咖喱幾香,不過因為我唔食辣,只係試下啲汁嘅味,冇食到舊肉。價錢方面我覺得唔算抵食,但又唔會貴到好離譜嘅。
隔離有一間都係賣河粉嘅店舖,門外貼晒同明星嘅合照,相反呢間貼得冇咁多但就排哂隊咁?
我好鍾意食河粉,最鍾意食清湯,今次就試吓佢呢碗有幾特別。
我叫咗清湯魚蛋粉,同行叫左咖喱腩。
一開頭食嘅時候都冇諗住特別留意啲咩,到我記得自己要寫食評要食真啲嘅時候已經食超過半碗⋯⋯我係好細食同埋食得非常慢嘅人,但係佢竟然咁快俾我K.O.左,證明佢份量一定唔多,而且又真係好好味令我冇邊食邊彈。
河粉筷子唔易夾斷,啲粉一條條分開 完全冇一舊舊嘅情況,厚薄粗幼適中,滑溜有咬口。暫時來講應該係我食過最正嘅河粉質感。
魚片方面,食得出油炸嘅香,冇磨牙(平時食魚片會有少少磨牙嘅感覺),爽口,厚薄適中。
魚蛋好爽口,味都幾好,不過我覺得魚片好味啲。
清湯就咁飲都唔咸,食落亦唔會覺得淡,做到呢個效果真係要讚。
的確呢間野我自己覺得唔會令人食完之後哇一聲,但係就會不自覺咁樣食完一碗再想食多碗,下成經過都會想再嚟食。成碗嘢都冇嘢俾我挑剔,已經好勁。
個咖喱幾香,不過因為我唔食辣,只係試下啲汁嘅味,冇食到舊肉。
價錢方面我覺得唔算抵食,但又唔會貴到好離譜嘅。
Post