鳳鳴石磨腸粉 (船塢街) (Closed)

之前食石磨腸粉，食黎食去都係濃姐，今次一於試吓第二間。餐廳名係「鳳鳴石磨腸粉」，位於黃埔。我就試左蛋腸同牛肉腸，蛋腸搭配清淡蛋香，牛肉腸鮮嫩唔韌，襯埋佢哋獨門醬汁，又提升左一個層次。加多少少錢仲可以飲桂圓紅棗茶，自然甜味，清新可口。不過我就覺得份量少左啲⋯⋯食完兩盒都肚空空咁。下次可能要加埋燒賣先夠飽！有別於一般石磨腸粉，佢係可以揀紅米同黑米，高纖又得、補血氣又得，得左！腸粉可以加蛋、粟米、菜脯，加埋蟲草花都仲得！千百萬個搭配任你選擇，下次再食一定要再試吓啲新野先！