東京淺草炸雞專門店 (碧海藍天) (Moved) New Location

某晚去荔枝角Aeon買日本蛋，見到呢間東京淺草炸雞店，明明吾餓都入去食左個親子丼，覺得幾好味，雞皮非常脆口，雞都幾滑，甘既價錢我吾會期望用新鮮雞，但味道算吾錯今早同一位小朋友講起吉列豬排店，他提起東京淺草炸雞，問我食過未?? 我話食過呀，俾他挑起我條筋! 做完野立即行去Aeon食。。星期六4點去到得2枱客，上次晚上去仲要等位。今日得15度冷冷地，我決定試下泡菜雞排定食(59蚊)嘩! 好多泡菜呀！多到睇吾到雞排係咪呃左我舊雞??定食有飯同麵豉湯，我真係好鐘意食飯，次次都好想添飯!撥開大量泡菜，下面有好多件雞!個泡菜好鬼辣同有d咸! 平日我勁喜歡食泡菜，但呢度醃得太辣，我覺得over左，辣到個咀麻左!炸雞的皮俾泡菜浸住仍然好脆，雞幾滑，但始終係雪雞，吾好要求有乜雞味囉! 埋單64蚊，大件夾抵食!但覺得上次親子丼好食d，因為呢個泡菜太辣同太多調味料，食完好口乾