竹青亭 (Closed)

是咁的，又到女朋友生日，今年直係無咪諗頭，疫情又咁樣，真係拗爆頭，見到朋友post相嘅竹青亭咁靚，性價比咁高，立即就book位一試，準時去到，好快就安排左位置比我地，入面嘅裝修簡潔，有小小越南餐廳嘅感覺，但睇一睇餐牌，原來係食多國菜嘅，餸菜嘅名鬼馬搞笑，我就叫左個祝青安好二人餐沙律軟殼蟹配著咖哩芒果吃爽到嗌軟殼蟹份量適中，比起一般沙律嘅醬汁，呢個咖喱芒果醬，真係幾特別，咖喱味唔會搶咗芒果味，沙律來講份量唔會太多啱啱好，唔會食菜食好飽，而且又係一份開胃嘅菜。第二度就食左香煎帶子法式香草醬乾瑤柱高湯意大利飯配海蝦肉一個菜名完全咁解釋咗呢個菜裏面有咩，本身對啲綠色嘅冇乜好感，但以為意大利飯配法式香草醬完全唔會有好大浸草青味嘅感覺，對於一啲唔鍾意食香草類嘅人係比較容易接受嘅，佢嘅海蝦肉份量都好多，咁我每一啖都會食到，最有趣係裏面係有乾瑤柱所以有時會食到中餐嘅感覺。主菜高叫左炭燒牛肩肉，個名實在太長我都唔打啦牛肩肉成數啱啱好，表層仲會食到淡淡炭燒香味，裏面嘅蘭遮豆配油浸蛋黃，真係未食過好特別。最重要嘅係個甜品合共有食咗三個甜品，三個都各有特色，但係我想講一定要試番薯糖水配triamisu,真係好