因為我勁鍾情魚，而男朋友勁鍾意牛, 所以我哋兩個都叫咗 main course 。
點好左就上左餐包， 有三款， 好欣賞餐廳有加熱到啲麵包，味道真係有驚喜。
特別檻欖香草果款，另外芝士條同薄脆嗰款都好好味。不得不提嘅係餐廳沾麵包用嘅黑醋質素好高，一啲都唔酸，而且帶有甘甜味。
沙律菜新鮮，調味剛好，唔會帶有過多嘅醬汁。
石班魚唔算係油脂多既魚，配上少少酸甜香橙味道嘅忌廉醬汁，豐富返個味道、balance 得好好。
黑椒牛柳醬汁十分出色，有黃芥末味以及帶有粒粒白胡椒嘅口感。牛柳超嫩，配上醬汁一啲都唔會膩。
是日甜品cappuccino 慕絲，分量較少但水準不錯。
餐飲熱咖啡配以熱牛奶感覺貼心，味道不錯。
總結：餐廳環境環境佈置清新，景觀尤其出色，直望IFC。侍應醒目有禮，實在適合想放鬆一下，重視餐廳環境的一族。
