Video
Read full review
2022-05-24
849 views
📌 T8 Japanese Cuisine📍 中環蘭桂坊15-16號協興大廈5樓☎️ 23938133★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`慢慢回復番公司番工嘅節奏啦！吸引我番工嘅動力唔係人工，係lunch 嘅飲飲食食環節。呢日lunch 就去咗蘭桂芳食日本嘢。餐廳位置比較隔涉，處於蘭桂坊頂頂一個唔起眼嘅商業大廈入面。真正隱世。入面分鐵板燒Bar同壽司Bar。仲有兩間房。一間order 枱，另一間做鐵板燒嘅private room，可容納最多八人。啱晒傾生意、慶生、幾人private party 。可自行聯絡餐廳查詢最低消費額。🍣壽司set有四款，初次嚟我保守啲揀咗Nigiri Sushi Set $490 。前菜係💫Ham沙律，沙律非常新鮮，只需簡單地mix醋已好開胃。💫茶碗蒸蒸得啱啱好，唔會太水或太老。入口好滑有蛋香同鮮味。舍利尚算乾身，軟硬適中，溫度微溫。【 握り寿司10貫】 🍣九洲深海池魚 - 魚腩位置，好彈牙爽口，一路食，陣陣魚味喺口腔散發出嚟。🍣北海道帆立貝 - 厚薄適中，滴兩滴青檸汁及岩鹽，再加強貝嘅鮮味。
📍 中環蘭桂坊15-16號協興大廈5樓
☎️ 23938133
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
慢慢回復番公司番工嘅節奏啦！吸引我番工嘅動力唔係人工，係lunch 嘅飲飲食食環節。呢日lunch 就去咗蘭桂芳食日本嘢。
餐廳位置比較隔涉，處於蘭桂坊頂頂一個唔起眼嘅商業大廈入面。真正隱世。
入面分鐵板燒Bar同壽司Bar。仲有兩間房。一間order 枱，另一間做鐵板燒嘅private room，可容納最多八人。啱晒傾生意、慶生、幾人private party 。可自行聯絡餐廳查詢最低消費額。
🍣壽司set有四款，初次嚟我保守啲揀咗Nigiri Sushi Set $490 。
前菜係💫Ham沙律，沙律非常新鮮，只需簡單地mix醋已好開胃。
💫茶碗蒸
蒸得啱啱好，唔會太水或太老。入口好滑有蛋香同鮮味。
舍利尚算乾身，軟硬適中，溫度微溫。
【 握り寿司10貫】
🍣九洲深海池魚 - 魚腩位置，好彈牙爽口，一路食，陣陣魚味喺口腔散發出嚟。
🍣北海道帆立貝 - 厚薄適中，滴兩滴青檸汁及岩鹽，再加強貝嘅鮮味。
🍣宮城縣赤貝 - 好爽身脆口，鮮甜。
🍣毛蟹 - 我呢啲拆蟹唔叻嘅人最啱呢件壽司，毛蟹肉配蛋黃醋，味道清香，蟹味突出。
🍣甜蝦 - 蝦身剔透亮澤，肉質嫩，入口黏稠，配埋蝦膏同魚子 - 味道濃郁，食出蝦嘅精華
🍣小肌 - 乾身，魚味鮮甜，肉質細膩！帶微酸，好正！
🍣赤身 - 背部位置只有極少脂肪，肉質厚實，魚味好香濃，師傅用少少蔥，辟走魚腥。
🍣宮城縣超拖羅- 我對拖羅又愛又恨，太油我又唔鍾意。呢件無筋無渣好軟綿，有魚味但又唔係肥豬油口感。
🍣穴子 - 灑上少少柚子皮，魚肉好軟，入口即化。
🍣鮟鱇魚肝 - 口感細滑，貓貓中空餅好 📷打咭-able! 📷 將壽司放上中空餅一齊食，creamy又唔腥！
💫玉子燒
好濃嘅蛋味，師傅話佢地用海鮮熬高湯再整個玉子燒，唔怪得咁有鮮甜味啦。
💫宇治金時布甸
呢個超好食！上層係抹茶同紅豆，下層係好滑奶味嘅布甸。夾埋一齊唔太甜，抹茶、紅豆同牛奶布甸好夾，一啲都唔會俾任何一樣搶咗個味！
中環嚟講，呢個價錢都好合理，服務質素好好，添茶速度快。師傅都好專業介紹各款魚嘅產地、特色同製作方法等。題外話，我想大讚餐廳嘅🚾非常乾淨，仲備有獨立包裝漱口水，女性用品等，非常貼心。
餐廳主打燒肉，我朋友都叫咗牛肉鐵板燒，好好味，有機會再分享！
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
Post
