串Grill 自助燒烤專門店 (廣華街) (Closed)

今次約埋個fd試下呢間旺角串grill自助燒烤專門店，環境地理超級方便就腳，過左6點開始多人，好彩有bk到位坐低左之後就有職員細心咁介紹我地食嘢既程序，餐牌亦都有說明每樣食物要燒既時間如果你諗住食完2個鐘燒烤，去附近食返個甜品。咁就真係太天真喇🤣😅 係食之前，我地都驚得2個鐘燒應該唔夠飽🙂🙃🙂點知，全程上餐極速，普遍燒一串都係5、6分鐘嘅事。結果我地都食咗成4-50串野。飽到嘔......串燒種類唔係話好多，但係勝在每樣質素都唔錯。牛3款，豬3款，羊一款（真心高汁）皆因佢嗰孜然粉，辣椒粉同椒鹽配搭得宜，風味提升唔少ga🤪🤪例如豬，就推薦椒鹽&辣椒，叫小許燒烤醬。牛/羊當然係孜然粉，中量辣椒粉，叫小許椒鹽或者燒烤醬（視乎個人重要甜而多汁，定係風味乾身）特別推薦 雞翼 同羊肉串。 雞翼雖然燒得會比較耐，燒到金黃色，加d辣椒粉同鹽，好容易就可以做到皮脆肉嫩。超香口，差罐啤酒。另外仲有燒棉花糖同雞蛋仔做甜品，一流