Read full review
2009-09-24
11 views
今晚去開西營盤,經過見到呢間舖頭仔,有大大個banner介紹甜品。呢排做野好辛苦,不如就入去食d甜品滋潤吓自己。甜品中,我最鍾意食芒果涼粉,但來到呢到,見到有芒果西米撈,所謂撈,係包括芝麻珍珠,水晶珍珠,同涼粉,於是貪心的我,想三樣都食哂,於是叫咗一客。等緊無聊之際,再三望吓餐牌,肥仔老闆就向我推薦檸檬班戟,但我呢排喉嚨痕,怕食檸檬太酸會仲唔舒服,但老闆强調唔酸既.....我諗咗一陣..... 好啦,就試吓d新野。班戟先到....呵呵呵,原來仲有雪糕做配菜,貪心既我即時覺得好抵食。熱辣辣既班戟,配上檸檬香味,未食已覺好醒神。食上第一口後,即時愛上了,因為檸檬配上班戟,原來味道係咁夾,老闆果然冇呃我,一d都唔酸,佢自家製既醬汁,調較適中,甜甜地好開胃,將班戟連埋醬汁加埋雪糕一齊食...5555555555....冇野好講!!食完再轉向我原先order既芒果西米撈,冰凍芒果加上西米撈,邊食邊覺得自己食兩樣甜品好過份,好有罪疚感,但又實在忍唔住一啖一啖咁品嘗,甜品原來真係可以忘記煩惱。呢間舖頭睇來係家庭式經營,見到佢地有講有笑合拍非常,小小餐廳仔但感覺得warm。兩個甜品埋單都係40幾蚊,價
甜品中,我最鍾意食芒果涼粉,但來到呢到,見到有芒果西米撈,所謂撈,係包括芝麻珍珠,水晶珍珠,同涼粉,於是貪心的我,想三樣都食哂,於是叫咗一客。等緊無聊之際,再三望吓餐牌,肥仔老闆就向我推薦檸檬班戟,但我呢排喉嚨痕,怕食檸檬太酸會仲唔舒服,但老闆强調唔酸既.....我諗咗一陣..... 好啦,就試吓d新野。
班戟先到....呵呵呵,原來仲有雪糕做配菜,貪心既我即時覺得好抵食。熱辣辣既班戟,配上檸檬香味,未食已覺好醒神。食上第一口後,即時愛上了,因為檸檬配上班戟,原來味道係咁夾,老闆果然冇呃我,一d都唔酸,佢自家製既醬汁,調較適中,甜甜地好開胃,將班戟連埋醬汁加埋雪糕一齊食...5555555555....冇野好講!!
食完再轉向我原先order既芒果西米撈,冰凍芒果加上西米撈,邊食邊覺得自己食兩樣甜品好過份,好有罪疚感,但又實在忍唔住一啖一啖咁品嘗,甜品原來真係可以忘記煩惱。呢間舖頭睇來係家庭式經營,見到佢地有講有笑合拍非常,小小餐廳仔但感覺得warm。兩個甜品埋單都係40幾蚊,價錢合理。
雖然唔係成日來呢區,但我相信I will be back......
Post