之前已經好多次想食 但係葵廣太多野食 實在諗唔起
咁坐低左之後就有姐姐過黎幫手落單
我估平時係寫"點心紙"落單 我去果陣6點 唔算多人
本身落左一個麵三個餸 但望到隔離枱叫左滷味幾吸引 就嗌左一隻滷脾同一隻滷蛋
無幾耐就到 見到姐姐幾細心咁用個膠蓋遮住 算係幾貼心
三個餸分別係豬紅 五香肉丁 醬爆肉丸 主食係米線
中規中距 唔會太淋 有湯嘅味道 唔錯
豬紅 正常 唔會一夾就散
醬爆肉丸幾好食 個餡幾濃味 唔錯
而五香肉丁有啲驚喜 初初估係罐頭嘢 但食落似自家整 個肉丁唔會好梅 辣辣地 唔重味 幾好
至於滷脾滷蛋真心出色 好入味 係必點推介
(本身糧尾 但叫叫下都食左60蚊 😂)
