順德私房菜 (Closed)

我覺得黎食得私房菜，一定要叫海鮮食！因為平時係屋企整真係好麻煩！同媽咪兩個人其實叫兩碟餸都好夠食！我地叫左正宗客家雉雞同清蒸海班仔，因為伙記話今日海班仔新鮮啊，咪就試下佢囉！我覺得個正宗客家雉雞個食物擺設幾整齊、仲有用花做點綴，整體都幾得意，令個視覺效果豐富左！啲雞肉肉質好嫩滑，真係好新鮮！個清蒸海班仔都好好食，一啲都唔腥，因為我唔仲意食有腥味既魚，所以好滿意！啲汁淋落啲魚肉到真係一流！啲汁又唔會太鹹、仲可以撈飯食喎！同媽咪超級滿足！又唔洗自己落手落腳煮又唔洗自己洗碗就可以享受到煮家飯既味道，呢個體驗真係好正👍🏼