愛有營小食 (Closed) View

一行十幾人，有大有細去食串燒，真係唔理環境，只求好味，真係無令人先望，首先服務態度非常好，見我哋成班小朋友，個個咁細個，又嘈又麻煩，完全無黑面，仲好好招呼，真係食得好開心。因為要照顧小朋友，無時間比相機食先，相唔多，但絕對係好食，製作認真，味道好野味，燒得正正外脆內軟，好有心機，我自己最愛個蝦餅同扎肉，鷄翼同個肥牛金菇都好好食，鷄軟骨大大碟好抵食。叫咗好多嘢食，有2個炒飯加一個炒公仔麵，仲打埋包做宵夜都係每人百五，真係超抵食，仲有個炸燒賣都要encore！