一入門口，服務已經好好..成晚都食得好開心。因為朋友未到，我又好肚餓，叫個小食先。
芝士炸蝦餅外脆，但入面係彈牙架，口感好得意，食到中間仲有濃濃既芝士流出黎，好好味，但感覺似係魚餅多過蝦餅。
漁獲浜燒海鮮盛合（2人前）海鮮好新鮮，隻鮑魚仲郁郁下
我以為要自己燒，原來佢地有人會幫你燒，我同朋就可以繼續傾計😂
服務員話扇貝要先燒一燒，等佢張開口後，會攞返去廚房清洗完再燒，感覺好衛生！要稱讚！仲燒左兩隻味：清酒味+蒜蓉牛油味。因為太新鮮，配上邊隻味都好match!
燒鮑魚先食到舔舔脷,點上佢地既柚子醬，有驚喜！食到停唔到口
仲有呢個香煎牛舌片佢控制熟既程度好適中，外香脆內軟，肉汁鎖住響肉入面，配上炸蒜片，一流！
浜燒白鱔又係必食係列！唔係普通時曼魚口感，因為佢燒到佢層皮好香脆，魚味濃，仲熱辣辣上碟。
今餐生日飯，好滿足！
