550
95
33
Restaurant: TONO DAIKIYA
Info:

To encourage eatery outlets to reduce food waste at source together with customers through offering portioned meals and adopting food waste reduction measures, the Environmental Protection Department has launched the “Food Wise Eateries” Scheme. Participants will be awarded with a Food Wise Eateries (FWE) accreditation status if they comply with the assessment criteria and will be granted with the FWE Logo and Stickers for displaying in the premises and their promotion for public identification. Applications are accepted all year round and are FREE of charge.

For details, please click here, http://www.foodwisehk.gov.hk/en/food-wise-Eateries.php

Level4
115
0
話說我自己都已經很久沒有吃日式放題, 為何今次興起約朋友一齊去食,因為見到他們有二人同行一人半價的午市放題優惠,加埋一都是455/2人。而且殿大喜屋在大喜屋系列比較高級,一直都好想試,所以就趁著有優惠就去試下這個日式放題吧! 當日是星期六,一去到已經見到長長的人龍walk in, 幸好我們已經早幾天打電話預約好, 這個放題是由中午12點開始食到下午3點。總共食3小時。座位方面,如果四個人去會比較闊落,全部座位都是卡位,都坐得比較舒服。但如果兩個人去的話,我見到座位都會比較窄,枱都會比較細。落單形式都係以手機落單為主,一開始當然點刺身先吧! 刺身方面都多款選擇,除了基本大眾口味的刺身外,這裏還有拖羅食! 和比較特色小小的有鱆紅魚, 針魚和泰式生蝦。刺身都是有用冰托住上,可以保持溫度慢慢食,不錯! 大部份刺身都非常厚切大大件,絕不孤寒。和我們有數過刺身的數量和我們所點的一樣,沒有漏單的! 值得一讚。🥢不得不讚他們的拖羅真是非常肥美! 顏色呈淡淡的粉紅,而且油脂都好豐厚,食蕩魚油都好香必叫! 👍👍👍 🥢還有三文魚和油甘魚,這兩款也是厚切的,魚油香都比較濃郁。仲有甜蝦都大大只好鮮甜,其次有en
Read full review
話說我自己都已經很久沒有吃日式放題, 為何今次興起約朋友一齊去食,因為見到他們有二人同行一人半價的午市放題優惠,加埋一都是455/2人。而且殿大喜屋在大喜屋系列比較高級,一直都好想試,所以就趁著有優惠就去試下這個日式放題吧!

當日是星期六,一去到已經見到長長的人龍walk in, 幸好我們已經早幾天打電話預約好, 這個放題是由中午12點開始食到下午3點。總共食3小時。

117 views
4 likes
0 comments


座位方面,如果四個人去會比較闊落,全部座位都是卡位,都坐得比較舒服。但如果兩個人去的話,我見到座位都會比較窄,枱都會比較細。

落單形式都係以手機落單為主,
一開始當然點刺身先吧! 刺身方面都多款選擇,除了基本大眾口味的刺身外,這裏還有拖羅食! 和比較特色小小的有鱆紅魚, 針魚和泰式生蝦。刺身都是有用冰托住上,可以保持溫度慢慢食,不錯! 大部份刺身都非常厚切大大件,絕不孤寒。和我們有數過刺身的數量和我們所點的一樣,沒有漏單的! 值得一讚。

刺身
78 views
1 likes
0 comments


🥢不得不讚他們的拖羅真是非常肥美! 顏色呈淡淡的粉紅,而且油脂都好豐厚,食蕩魚油都好香必叫! 👍👍👍

拖羅
110 views
0 likes
0 comments


🥢還有三文魚和油甘魚,這兩款也是厚切的,魚油香都比較濃郁。仲有甜蝦都大大只好鮮甜,其次有encore帶子,赤貝和泰式生蝦都好好味。這幾款都可以放心盡情叫。

泰式生蝦
65 views
0 likes
0 comments


🥢章紅魚就比較一般,冇乜味,要配埋個海膽醬油嚟食先有味。這個試過就算冇再叫了。

🥢比較唔好食就係個象拔蚌,完全唔彈牙冇乜味,朋友形容話有啲似食緊膠。同埋個蟹腳完全冇肉,所以呢兩款都可以唔使叫啦。

🥢壽司就只叫了幾款。我覺得比較好味就是黑松露油甘魚壽司和白松露吞拿魚壽司,這兩款的魚味和松露味都非常搭,還有香芒甜蝦壽司都好好味。

🥢而明太子脆拖羅多士,如果喜歡明太子的朋友都會喜歡,但多士就略嫌大塊了少少,比較容易飽肚,不過都值得一試。

🥢除了刚才提起啲壽司款式之外,這裏都有海膽手卷任食,不過就要到外邊排隊取,每個人只可以取兩件。味道方面,都算鮮甜,但當然不是最好的級數,叫做過下癮。

海膽手卷
62 views
2 likes
0 comments


🥢熟食我們差不多全部都點過,我比較欣賞的就是這個煎虎蝦,味道跟酒樓吃的差不多,虎蝦亦非常爽口。

🥢其次就是花雕醉鮑魚,鮑魚彈牙鮮甜,配花雕酒味好夾。值得一讚就是他們的擺盤非常精美,可以說跟出面餐廳單點的差不多。

花雕醉鮑魚
50 views
0 likes
0 comments


🥢仲有燒羊架都幾驚喜,我朋友平時不吃羊,但亦都讚不絕口,沒什麼騷味之餘肉質都好腍。

燒羊架
39 views
0 likes
0 comments


🥢燒鰻魚就不過不失啦,但估不到燒比目魚更加好味,魚好滑配埋燒汁好好味。

🥢還有北海道燒帆立貝,帶子都幾大粒配埋沙律醬都幾野味。

🥢雖然大部分熟食都好好味,但個燒牛脷就超失望,牛脷燒得好乾仲好un. 鍾意食牛脷嘅我就好失望喇。

🥢炸物方面我就幾欣賞個作榴槤球,外脆內軟,入面有啲榴槤蓉,鍾意食榴槤嘅朋友一定會好喜歡。

🥢啲人話殿大喜屋係比較高級係有原因嘅, 有邊個諗到食放題可以有燕窩食。呢個係燕窩椰汁燉木瓜, 女士們必叫。

🥢這裏也有幾款和牛料理,例如和牛薄燒和雪花和牛鍋,牛味不錯亦都好腍,但當然絕對不是入口即溶的口感,但這個價錢我覺得也已經不錯了。

和牛鍋
34 views
0 likes
0 comments


🥢還有蟲草花膠烏雞湯,這個湯好濃郁而且用料十足,不過分量太大建議真是多人才好叫。

蟲草花膠烏雞湯
29 views
0 likes
0 comments


除了menu上面的食物之外,其實出面亦有一些冷盤和熟食例如白飯,湯,牛腩等等都可以去攞,但我相信大部份嘅人都寧願留返個肚食menu上嘅嘢。

🍸飲品方面真係多到超誇張,目測兩個大雪櫃裏面都起碼有30款可供選擇, 例如啤酒,果汁,紅茶綠茶,韓國飲品,汽水等等。。。如果還不夠在手卷區旁邊還有日本清酒,白酒,梅酒等等。。。

🍦甜品區都不野少,這裏有多款蛋糕,布丁,甜甜圈,豆腐花等等。旁邊還有兩個大雪櫃,入面有多款雪糕和雪條,例如movenpick, haagen dazs, 韓國雪條等等。不過因為太飽,最後都是揀咗一條榴槤雪條食,雪條好香好滑,為今餐劃上完美的句號。

將括嚟講我覺得今餐其實真係超值,大約200多元就可以食到咁豐富嘅一餐。食物質素高質而且外觀都好精美。亦都絕少漏單的情況,我哋叫咗咁多嘢食都只係試過兩樣漏單,唔算差。服務員收碟都收得快,這個價錢食物和服務質素,完全沒有投訴。










(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-04-24
Dining Method
Dine In
Recommended Dishes
刺身
拖羅
泰式生蝦
海膽手卷
花雕醉鮑魚
燒羊架
和牛鍋
蟲草花膠烏雞湯