雞煲旺角就食得多,湯底2選1,雞煲同花膠雞湯中當然食花膠雞湯啊,未試過聽落好新鮮!真係十分推,我同朋友2個人食但湯底分量超足料!花膠兩塊手掌咁大,一啲都唔腥又唔韌,煲得好入味,雞應該有半隻以上,超級足料!湯底唔會好味精,係有種媽媽嘅湯,唔會好似平時食雞煲咁食完個口好咸好口渴~勁正!未落任何火鍋料之前就已經飲咗一大碗湯食咗好多料,都已經有少少飽了🤣
呢一個套餐有一個海鮮拼盤份量係跟人頭嘅,雖然唔係好多,但係任食就係貪佢每樣有少少,材料豐富唔會好寡~😆值得一讚佢個蝦,大大隻成隻手掌咁大!仲要勁多蝦膏,蝦肉唔會霉,彈性又爽口!鯇魚大大件又爽口,海鮮最重要真係唔可以妹,任食來講唔霉又爽滑已經超班!😍蠔同蜆就不過不失,相對細隻左少少😝
呢一個套餐包括嘅牛肉同豬肉都好好食,雖然種類唔多,牛肉兩種中推薦特級安格斯,牛味更重更滑!相比起特級安格斯牛肉我就覺得反而黑毛豬肉非常有驚喜!比一般邊爐好食好多,豬味十足,一啲都唔鞋,大塊啖啖肉超級正,encore左兩次!其他配料都係打邊爐常見,但係當中有幾款就十分之推薦啦!墨汁墨魚丸入邊彈牙嘅粒粒墨魚肉都係十分之驚喜,墨魚味重彈牙又有口感。水餃🥟魚皮餃都好好食,唔係超市料!❤️ 最後推薦加莞西,勁fresh感覺又可以再食2盤!
最後有一個甜品,係好港式風味嘅涼粉雜果紅豆冰,食完豐富嘅邊爐之後來碗沙冰真係好Freshy! 最鐘意涼粉,爽口中有清熱下火的感覺🤣🤣🤣
成間店嘅主題都係香港懷舊風,其實都幾特別,最鍾意佢嘅霓虹燈設計,風格真係好似返返去80年代嘅香港,嘢食好味,仲有波睇,我覺得呢間好值得試,雖然比起一般邊爐可能貴50至$100,但係嘢食嘅質素係超正嘅!大推花膠雞湯💪🏻😝💪🏻