Read full review
2016-03-05
370 views
本人係抹茶控，有相同基因既阿妹都係抹茶控😌趁佢考完試，一於瘋狂嘆下茶😋打開menu，真係眼花繚亂，選擇多到呢，阿妹即刻投降，叫我決定哂食咩。於是我揀一人一個餐，另外加甜品試下。 首先叫左個和風海鮮海藻麵意粉餐，店員話呢個係炒的，見得一個炒意粉就揀佢啦。 個意粉食落好彈牙，唔同平時食開果種小麥粉造的。應該係加入左d海藻，所以口感特別，雖然係炒，但用油唔算多，無油淋淋既感覺。有2隻蝦同一粒帶子，帶子是我的飛佛，蝦都算大隻，蝦肉新鮮唔會霉。餐內仲有2粒加州卷，點沙律醬，好有驚喜呢！ 另外叫左個京燒銀雪魚飯，呢個餐除左有飯，仲配個小的海藻烏冬，一個餐滿足哂2個願望呀！燒雪魚飯好大碗，雪魚汁香甜，配上煎得好香嫩既雪魚，好味。而海藻烏冬，烏冬麵質有d咬口，個湯底都好有誠意呢，係清甜既魚湯黎架！跟餐有碗沙律，出街食飯都即刻感覺好健康 跟餐甜品揀左香草同抹茶卷蛋各一，可以2種口味都試下。抹茶蛋糕好鬆軟，蛋糕唔會好甜，茶味濃厚，配上甜甜的抹茶忌廉，味道剛剛好，唔會漏。估唔到香草蛋糕都非常不錯！夾埋幼滑的忌廉😭好感動呀！其實一個餐已經夠哂飽，但講好瘋狂刷一餐，決定再追加甜品！2個！
打開menu，真係眼花繚亂，選擇多到呢，阿妹即刻投降，叫我決定哂食咩。於是我揀一人一個餐，另外加甜品試下。
首先叫左個和風海鮮海藻麵意粉餐，店員話呢個係炒的，見得一個炒意粉就揀佢啦。
和風海鮮海藻麵意粉
44 views
0 likes
0 comments
個意粉食落好彈牙，唔同平時食開果種小麥粉造的。應該係加入左d海藻，所以口感特別，雖然係炒，但用油唔算多，無油淋淋既感覺。有2隻蝦同一粒帶子，帶子是我的飛佛，蝦都算大隻，蝦肉新鮮唔會霉。餐內仲有2粒加州卷，點沙律醬，好有驚喜呢！
京燒銀雪魚飯
36 views
0 likes
0 comments
另外叫左個京燒銀雪魚飯，呢個餐除左有飯，仲配個小的海藻烏冬，一個餐滿足哂2個願望呀！燒雪魚飯好大碗，雪魚汁香甜，配上煎得好香嫩既雪魚，好味。
而海藻烏冬，烏冬麵質有d咬口，個湯底都好有誠意呢，係清甜既魚湯黎架！
跟餐有碗沙律，出街食飯都即刻感覺好健康
香草&抹茶卷蛋
27 views
0 likes
0 comments
跟餐甜品揀左香草同抹茶卷蛋各一，可以2種口味都試下。抹茶蛋糕好鬆軟，蛋糕唔會好甜，茶味濃厚，配上甜甜的抹茶忌廉，味道剛剛好，唔會漏。估唔到香草蛋糕都非常不錯！夾埋幼滑的忌廉😭好感動呀！
其實一個餐已經夠哂飽，但講好瘋狂刷一餐，決定再追加甜品！2個！！！
根據menu賣相，揀左京都宇治抹茶軟雪糕芭菲
好明顯佢地無觸犯商品說明條例，圖示同實物一樣，好吸引呀😍😍😍
京都宇治抹茶軟雪糕芭菲
27 views
0 likes
0 comments
抹茶軟雪糕滑嘟嘟，好creamy，配埋最夾既紅豆，抹茶紅豆，真係好偉大既發明呀😱另有幾粒白玉，煙煙韌韌，好有咬感，食到底層，原來仲有杏仁片，脆脆的，估唔到越食越有，仲有蛋糕係底，浸滿半溶的雪糕，有點似麵包布甸甘，濕濕地有令一番風味。
京都宇治抹茶芭菲
呢個我超like!!!!視覺效果已無得彈，有7層唔同的食材，大大杯好抵食！抹茶芭菲比起抹茶軟雪糕無甘甜，有抹茶啫喱同抹茶mochi既加乘，抹茶味更濃郁。另外有2層雲呢拿cream調和下，甜甜地，加上清茶的苦味，真係回味無窮。食到最底有粟米片，夾埋黎食好香脆，係整杯抹茶味甜點出現，味道更突出！
食到甘飽，係時候飲返啖茶，減少飽滯感。先黎一壺初茶，睇英文原來係綠茶黎，menu仲有教點沖tim，分三次沖。
味道真係不一樣架！用透明壺沖，可以清楚睇到茶葉的變化。第一壺沖出來清清的，茶味較淡，味道細膩。第二壺茶葉浸透了，茶味較濃，微微的苦味，但不會澀。再沖第三壺，茶葉漸漸發成大片，茶味回甘。如果可以日日都甘休閒沖壺茶，嘆下就好了(發夢中....唔使理我)
另外當然要試下其他飲品啦。宇治抹茶奶，其實係green tea latte黎的，雖然細細杯，飲一啖就發覺佢濃縮左好重的綠茶係入面，好香醇，趁熱飲真係不得了！
總結今餐真係好瘋狂，好飽，好滿足，好幸福同好綠茶。
Post
