地點唔難搵, 因為我地成日搭青山道小巴都經過, 喺太子地鐵站一出轉彎就到.
叫咗雞酒攦粉, 麻辣豬頸肉攦粉, 香炸墨魚卷, 炸鯪魚球 & 一支桂花荼.
雞酒攦粉 - 少少酒味, 唔濃, 唔駛怕醉, 我飲晒成碗湯之後都冇出現口渴, 大家明啦.
麻辣豬頸肉攦粉 - 講麻辣就一定唔夠正宗, 不過都可以接受, d粉就超正, 比米線粗身, 但林過米線, 不過又唔係林到一patpat, 有咬口的.
香炸墨魚卷 - 超正, 夠彈牙, 好爽, 好味.
鯪魚球 - 岩岩炸起, 熱辣辣, 超正, 一D都唔腥, 足料.
桂花茶 - 好香香, 好味, 冇嘢講.
價錢合理, 完全可以接受; 埋單走人忍唔住喺門口買了芝麻榚, 杏仁榚, 紅棗雪耳榚返屋企嘆, 芝麻香濃, 杏仁可口, 紅棗雪耳清香, 哈哈哈.... 好味; 仲買咗一底芝麻榚返公司同同事嘆, 個個都讚好味呀!
