咕嚕丸子屋 (Closed)

週末嘅彌敦道，街邊真係有「太多人與車」！喺彌敦道行到有啲餓，被一間有得賣雞蛋仔嘅外賣小食店--咕嚕丸子屋，吸引咗眼球。我即刻買咗一底流心朱古力雞蛋仔（$22），而同行朋友就買咗原味丸子（$33）。流心朱古力雞蛋仔散發住陣陣嘅朱古力香味，雞蛋仔夠脆，入面嘅朱古力真係流心嘅！而丸子有六粒，配上木魚，鮮美可口！而我地都分別叫咗一杯700ml嘅凍茉莉花香水檸檬茶（$28）同一杯鴨屎香香水檸檬茶（$28）。兩杯香水檸檬茶有陣陣嘅花香味，飲品甜酸度適中！喺人來人往嘅彌敦道行到攰有一間外賣小食店補充體力，真係滿足！