Read full review
2019-10-29
2404 views
喜瑪拉雅餐廳 #灣仔依家係一個印度朋友介紹俾我嘅印度餐廳，話入面嘅嘢食好正宗好好味。入到去都見到有好多印度人，無論係侍應定係食客都好。餐牌上分別有印度菜同埋尼泊爾菜，今次嗌咗個鐵板炭燒拼盤、腰果仁香汁燴雞、芝士烤餅、mango lassi.鐵板炭燒拼盤$168拼盤分別由魚蝦雞肉同埋免治羊肉，免治羊肉其實係類似香腸咁，將啲羊肉碎撈埋一堆再卷成一條咁樣燒。雖然佢哋擺喺同一碟，但係每隻肉都有自己獨特嘅調味。因為係炭燒，而且喺鐵板燒上面所以都幾香口。不過佢魚嘅調比較酸，我麻麻，其他肉嘅調味就不過不失。腰果仁香汁燴雞 $97餐牌話係腰果仁醬煮咖喱雞，不過食落口咖喱味就唔重，而且亦都冇任何一粒粒腰果嘅成份係入面，相反成個醬汁都幾creamy，有少少似飲緊南瓜湯嘅質地，咖喱來講呢款唔算太濃，唔會太辣又唔會太重椰汁味。不過略嫌份量有啲少，只係用個杯仔裝住啲咖喱而且啲雞肉亦都唔算好多，有啲貴。芝士烤餅 $28雖然話係芝士烤餅，但係芝士嘅味道唔算太濃，相反幾鍾意佢嗰質地，厚厚地帶點煙韌，用嚟點咖喱食一流，不過我覺得下次都係嗌翻原味就得。mango lassi $30呢杯真係出乎意料嘅難飲，去過好多間唔同嘅
依家係一個印度朋友介紹俾我嘅印度餐廳，話入面嘅嘢食好正宗好好味。入到去都見到有好多印度人，無論係侍應定係食客都好。
餐牌上分別有印度菜同埋尼泊爾菜，今次嗌咗個鐵板炭燒拼盤、腰果仁香汁燴雞、芝士烤餅、mango lassi.
鐵板炭燒拼盤$168
拼盤分別由魚蝦雞肉同埋免治羊肉，免治羊肉其實係類似香腸咁，將啲羊肉碎撈埋一堆再卷成一條咁樣燒。雖然佢哋擺喺同一碟，但係每隻肉都有自己獨特嘅調味。因為係炭燒，而且喺鐵板燒上面所以都幾香口。不過佢魚嘅調比較酸，我麻麻，其他肉嘅調味就不過不失。
腰果仁香汁燴雞 $97
餐牌話係腰果仁醬煮咖喱雞，不過食落口咖喱味就唔重，而且亦都冇任何一粒粒腰果嘅成份係入面，相反成個醬汁都幾creamy，有少少似飲緊南瓜湯嘅質地，咖喱來講呢款唔算太濃，唔會太辣又唔會太重椰汁味。不過略嫌份量有啲少，只係用個杯仔裝住啲咖喱而且啲雞肉亦都唔算好多，有啲貴。
芝士烤餅 $28
雖然話係芝士烤餅，但係芝士嘅味道唔算太濃，相反幾鍾意佢嗰質地，厚厚地帶點煙韌，用嚟點咖喱食一流，不過我覺得下次都係嗌翻原味就得。
mango lassi $30
呢杯真係出乎意料嘅難飲，去過好多間唔同嘅印度菜餐廳，飲咗好多杯mango lassi，第一次飲到呢個咁奇怪嘅味，比起平時飲開嗰啲鹹，而且個芒果味真係好假，有啲似優之良品嗰隻芒果糖，再加上有啲鹹嘅乳酪，成個感覺有啲奇怪。
雖然呢間係我嘅印度朋友推介，但係可能始終香港人嘅口味同印度嘅唔一樣，所以我覺得整體來講唔算太特別，而且有啲唔抵食。我不過餐廳嘅服務都唔錯嘅，而且一入到去每人就有一塊脆餅，可以陪埋博海將同埋我一啲辣菜譜一齊食。
味道:3.5/5
性價比: 3.3/5
鐵板炭燒拼盤
$168
120 views
0 likes
0 comments
腰果仁香汁燴雞
$97
166 views
0 likes
0 comments
Post
