💕明太子北海道帶子扁意粉 $138
雖然啲帶子冇之前食嗰啲咁大粒 但都幾鮮甜😍啲汁唔會太稀 每條意粉都沾滿曬明太子醬😋仲有啲雜菌同多士 整體都唔錯😚
💕芒果蟹肉牛油果沙律 $128
呢個超有驚喜😍好好食🤤🤤首先個擺盤一層一層咁 好似蛋糕咁🤣中間嗰層就係滿滿既蟹肉🦀😍超級滿足啊💕芒果都幾甜帶少少酸 同蟹肉 牛油果🥑好夾😋食落去好開胃🤤而且份量都幾多下 好推薦鍾意食沙律既你😌不過我就麻麻地嗰堆火箭菜啦🤭
💕甜薯條 $48
份量超級多😍多到就瀉曬出黎咁🤤好抵食‼️蕃薯條熱辣辣好香脆 好甜 又唔會炸得太乾🥰愈食愈上癮🤭就算之後凍左都冇淋到 一樣咁好食😋食落都唔算話好油 不過覺得配茄汁唔係好夾咁🤔就咁食已經好滿足❤️
💕伯爵茶焦糖燉蛋 $48
平時食焦糖燉蛋就食得多 伯爵茶味既都係第一次試🤤估唔到同creme brulee都幾夾 食到淡淡既伯爵茶味 成件事就冇咁甜😋啲燉蛋都好滑 唔錯☺️
💕紫薯鮮奶 (凍) $42
好欣賞佢地花左好多心機係啲飲品到☺️杯杯都好啱打卡📸今次就叫左杯紫薯鮮奶😚賣相真係好吸引😍仲幾大杯添🤩味道唔係好甜 但就唔係好飲到紫薯味🥲
