Video
Read full review
2019-06-12
47 views
番工午餐唔想係公司煮飯..有同事話不如去試新野..成日轉角位見到..但又無行入去..一睇個OpenRice link見到炸雞排就突然好想去呢間度食..重點係仲會有珍珠奶茶飲喎！由於我放飯時間係接近下午茶時段..所以唔使等位..我同同事一入到去..老闆娘同員工即刻好快錦招呼我地..我地嗌左兩個午餐set同埋一份小食..我自己就嗌左椒麻雞排米粉。成個餐就錦睇好似好普通，但係原來個雞排係好食到不得了！雞排食得出係即刻炸，雞肉係軟滑多汁。但呢個雞排既精髓係佢既椒麻汁。甜、酸、香，加上少許芫茜，就將雞排既味道升上更高層次！我無諗過番工食個飯都可以食到個禁好味既雞排，係有少少感動😂個米粉係好正常既湯米粉，但感覺都唔錯。同事嗌左紅燒牛肉米粉。我當然唔放過偷左少少黎試😆牛肉煮得好冧好入味。米粉因爲用左紅燒牛肉湯底黎整，所以比起我個碗清湯米粉好食好多！我地都追加左一入柯仔酥。當呢碟柯仔酥上枱，我就知無嗌錯！柯仔酥當然係即炸啦！但我無諗過夏天都可以食到又肥又好有蠔味既柯仔。大家都知夏天既蠔係無禁肥，有時仲會食到水流流既質地。但係呢間真係搵到靚蠔，仲要炸得好！最重要係柯仔酥既調味教得非常好，咸度同香味都做得
有同事話不如去試新野..成日轉角位見到..但又無行入去..
一睇個OpenRice link見到炸雞排就突然好想去呢間度食..重點係仲會有珍珠奶茶飲喎！
由於我放飯時間係接近下午茶時段..所以唔使等位..
我同同事一入到去..老闆娘同員工即刻好快錦招呼我地..
我地嗌左兩個午餐set同埋一份小食..
椒麻雞排米粉
6 views
0 likes
0 comments
我自己就嗌左椒麻雞排米粉。
成個餐就錦睇好似好普通，但係原來個雞排係好食到不得了！
雞排食得出係即刻炸，雞肉係軟滑多汁。
但呢個雞排既精髓係佢既椒麻汁。
甜、酸、香，加上少許芫茜，就將雞排既味道升上更高層次！
我無諗過番工食個飯都可以食到個禁好味既雞排，係有少少感動😂
個米粉係好正常既湯米粉，但感覺都唔錯。
紅燒牛肉米粉
0 views
0 likes
0 comments
同事嗌左紅燒牛肉米粉。
我當然唔放過偷左少少黎試😆
牛肉煮得好冧好入味。
米粉因爲用左紅燒牛肉湯底黎整，所以比起我個碗清湯米粉好食好多！
柯仔酥
13 views
0 likes
0 comments
我地都追加左一入柯仔酥。
當呢碟柯仔酥上枱，我就知無嗌錯！
柯仔酥當然係即炸啦！
但我無諗過夏天都可以食到又肥又好有蠔味既柯仔。
大家都知夏天既蠔係無禁肥，有時仲會食到水流流既質地。
但係呢間真係搵到靚蠔，仲要炸得好！
最重要係柯仔酥既調味教得非常好，咸度同香味都做得岩岩好！
飲品方面我嗌左珍珠奶茶。
珍珠奶茶都唔差既，唔會似港式奶茶錦禁重茶味，呢個係我既口味。
但美中不足既係，有珍珠奶茶賣，但無粗飲管。
總結：
呢間我認為好值得再番黎幫襯，因為食落去都感受到佢地好用心整野食，同埋真係好好食。
講真個碟椒麻雞排我係點到成件雞排都係汁先食！
如果話抵食又唔得，因為都覺得有D貴，可能因為嗌多左個柯仔酥。
Post
