食物嘅選擇非常豐富， 唔同嘅卷物似乎係呢間餐廳嘅特色。
芝士軟殼蟹卷， 蟹籽好多淋喺面， 芝士用火槍燒過， 食落好香， 軟殼蟹好脆身， 卷物份量都好大件， 略嫌啲飯有啲散散地唔係好夠實。
芝士厚燒玉子， 初時以為仲會有啲醬汁喺面， 嗰款應該係汁燒玉子。 芝士同玉子本身唔算好夾， 而且玉子入面好乾， 係有好濃嘅蛋味但係真係好乾同好實， 點咗豉油都彌補唔到， 個人有啲失望。
大阪豬扒丼， 同佢餐牌張相一樣咁大碗！ 吉列豬扒上面有厚厚嘅椰菜絲同木魚絲， 豬扒底下嘅飯有啲似滑蛋飯， 豬扒脆身唔漏，麵粉亦唔厚，非常好食！配埋滑蛋飯完全加分！
