Read full review
2019-02-14
26 views
農曆年假期約咗位好朋友打甂爐聚一聚，於是就嚟咗尖沙咀金馬倫道呢間《禾牛薈火鍋館》。餐廳座位以梳化卡位為主，坐得舒服。座位旁邊仲有個電視俾我哋一路打甂爐一路睇，又幾貼心。醬料都算多選擇，其中仲有少見嘅 XO 醬，入邊有好多瑤柱絲同蝦米，味道十分香口。湯底方面都有好多選擇，我哋揀咗個比較有特色嘅“魚與鴻掌(鮑魚、牛蹄)” ($298) 湯底。湯底以原隻牛蹄熬製，又以白蘿蔔筒載住四隻爽彈嘅鮑魚，又有大大條炆得夠曬腍滑嘅牛筋，有滿滿的骨膠原。餐廳職員幫我哋將白蘿蔔同牛筋剪開後，提我哋湯滾咗之後可以飲返碗湯先開始打邊爐。湯底除左牛嘅鮮味之外，仲有白蘿蔔及杞子嘅甜味及中芹嘅香味，味道的確唔錯。白蘿蔔吸咗湯底嘅鮮味後亦相當好食。特級手切肥牛 ($208/例)，十分新鮮，油脂分佈平均，牛味濃郁得嚟帶有牛嘅鮮甜味，稍為渌一渌，口感爽滑。推介！油麥菜 ($38)，份量都幾多，十分新鮮而且洗得乾淨。健康之選！Asahi ($32/大)，同好朋友打甂爐又點少得佢。
餐廳座位以梳化卡位為主，坐得舒服。
座位旁邊仲有個電視俾我哋一路打甂爐一路睇，又幾貼心。
醬料都算多選擇，其中仲有少見嘅 XO 醬，入邊有好多瑤柱絲同蝦米，味道十分香口。
湯底方面都有好多選擇，我哋揀咗個比較有特色嘅“魚與鴻掌(鮑魚、牛蹄)” ($298) 湯底。
湯底以原隻牛蹄熬製，又以白蘿蔔筒載住四隻爽彈嘅鮑魚，又有大大條炆得夠曬腍滑嘅牛筋，有滿滿的骨膠原。
餐廳職員幫我哋將白蘿蔔同牛筋剪開後，提我哋湯滾咗之後可以飲返碗湯先開始打邊爐。
湯底除左牛嘅鮮味之外，仲有白蘿蔔及杞子嘅甜味及中芹嘅香味，味道的確唔錯。白蘿蔔吸咗湯底嘅鮮味後亦相當好食。
特級手切肥牛 ($208/例)，十分新鮮，油脂分佈平均，牛味濃郁得嚟帶有牛嘅鮮甜味，稍為渌一渌，口感爽滑。推介！
油麥菜 ($38)，份量都幾多，十分新鮮而且洗得乾淨。健康之選！
Asahi ($32/大)，同好朋友打甂爐又點少得佢。
Post
