鮑魚人蔘雞湯
咁啱呢排都凍凍地，一到步就即刻叫人蔘雞湯暖暖胃，就好似當年冬天去韓國一樣。😭 成碗湯都清得黎有好濃郁嘅人蔘味，啲人蔘食落去係甘甘地甜甜地，感覺好正好補！飲完成個人都即刻暖哂。 材料仲要超足，有兩隻雞髀一個鮑魚，個冬菇仲好爽口！
芝士雞蛋捲
見咁多人推介呢個芝士蛋捲，都一於叫黎試吓。估佢唔到咁大份，入面仲有勁多芝士好邪惡好正！三個人食一人2舊都已經好夠，因為真係好多芝士。記得記得記得要趁熱食！咁先最好味。
芝士年糕拉麵
食韓國嘢又點可以唔食年糕拉麵！ 一樣係咁邪惡，咁好味，完全將我個人拉咗返去韓國。個面有少少辣，辣得來又帶少少甜，年糕好煙韌，配埋芝士一齊簡直一流。
蜂蜜牛油香蒜焗烤雞
另一個不得不食就梗係韓式炸雞，不過今次唔想太熱氣所以就叫咗焗雞。 蒜香味好濃加埋蜂蜜好惹味。
