漁港艇仔粉 (鴨脷洲大街)

Open Now

Now Closed

入得鴨脷洲，點可以唔食下艇仔粉。聽講呢間係真水上人上左岸之後開既，係正地鐵站對面好易搵，個湯底用大地魚，無加味精。艇仔粉，有紅腸，燒鴨，叉燒，魚皮，魚蛋，魚片。真係好多餸。個湯底真係正，有鮮味但又唔腥唔咸，食完碗麵連湯都飲哂。魚蛋魚片同魚皮值得讚，真係好彈牙，塊魚皮又薄又脆又感覺唔多味精，浸一浸個湯食真係無得頂。四寶粉，墨丸魚皮餃魚扎豬肉丸各一粒，個湯底同招牌艇仔粉一樣。炸雲吞，係用真人手包既雲吞去炸，啲蝦好爽口，皮又薄又脆，唔會食到成口油。