Read full review
2019-04-07
2727 views
一月係女友生日既大日子,網上Research左一輪唔同餐廳就決定呢一間,早一個月就book左位,講左係慶祝做目的,request左窗口位,個時侍應話要睇情況先知分唔分配到。呢日一來就分配到窗口位,環境非常好,望住維港,對面新世界中心又起得差不多,見唔到地盤。由於係慶祝生日，呢到個Menu會加上慶祝既句子，俾到驚喜女友。因此已做足功課,一坐低就點左以下幾樣野：－1) 洋蔥包(Free), (下完單就送上, 巨大個, 連個牛油一齊食好好味, 食到未都食唔曬成個)2) Large San Pellegrino ($105+10%) (呢到其實有Tap water提供，但由於我地唔飲酒，所以就叫左枝有氣水，侍應不時來幫手倒水，飲曬無再加多枝時，侍應亦主動提供Tap water,加分）3) Loster Bisque ($180+10%)（下完單就問係唔係Share食，幫手分左兩碗，呢個湯好重干邑味，女友唔飲酒唔多Like,怕酒味既朋友要注意）4) Baked Platter ($530+10%)（女友唔食生野，所以叫左燒海鮮，包括蝦，帶子，蟹餅同蠔，由於女友唔食蠔，所以轉左２份蟹餅，樣樣都燒得
呢日一來就分配到窗口位,環境非常好,望住維港,對面新世界中心又起得差不多,見唔到地盤。
由於係慶祝生日，呢到個Menu會加上慶祝既句子，俾到驚喜女友。
因此已做足功課,一坐低就點左以下幾樣野：－
1) 洋蔥包(Free), (下完單就送上, 巨大個, 連個牛油一齊食好好味, 食到未都食唔曬成個)
2) Large San Pellegrino ($105+10%) (呢到其實有Tap water提供，但由於我地唔飲酒，所以就叫左枝有氣水，侍應不時來幫手倒水，飲曬無再加多枝時，侍應亦主動提供Tap water,加分）
3) Loster Bisque ($180+10%)（下完單就問係唔係Share食，幫手分左兩碗，呢個湯好重干邑味，女友唔飲酒唔多Like,怕酒味既朋友要注意）
4) Baked Platter ($530+10%)（女友唔食生野，所以叫左燒海鮮，包括蝦，帶子，蟹餅同蠔，由於女友唔食蠔，所以轉左２份蟹餅，樣樣都燒得剛剛好，蟹餅同網上評論一樣最好食，啖啖都係蟹肉，下次會專門來食呢個Baked Platter）
5) 16 oz Ribeye ($728+10%)（一早Order左，５成熟剛剛好，算係近來最好食既扒，不過唔知係咪太早叫，我見侍應會拎一大碟同其他客人介紹完先order)
6) Souffle ($100 Free) (由於講左係慶祝，呢到會送個Souffle加上有關慶祝字句，侍應亦會幫手影相送上一張所有員工簽名既生日卡，幾有心，加分）
整體上好好，只係比較貴，不過慶祝就唔講得咁多，女友亦有不少驚喜，呢到算係個好好慶祝既地方，枱同枱之間亦比較遠，傾計都好好，會再來，強烈推薦來慶祝。
Post
