Mom's Dry Noodles (Olympian City 3)

老媽拌麵，之前只係喺屋企食過，都覺得好好味，估唔到居然香港都會開咗餐廳。前幾日去奧海城行街，見到有位，即刻衝入去。座位都算幾開揚同舒服，用QR code落單，非常方便。


點咗三個下午茶餐，大家share嚟食。每個都係$50-$60左右，已經連埋嘢飲，嘢飲同嘢食選擇非常之多，非常抵食。

和牛炸醬拌面

炸醬同麵嘅比例啱啱好，味道非常香濃，配上和牛肉，每一啖都勁享受

豆乳香香雞配幼麵

豆乳香香雞非常惹味，唔係平時嗰啲鹽酥雞咁，唔知佢點整，可以鎖住d肉汁，重點推介

滷肉飯

太耐冇去旅行第一啖食落去，好有台灣嘅風味，感覺就好似置身於台灣一樣

最後，嘢飲選擇極多，有啲都幾特別，好似有金羅漢果海底椰，我就覺得味道幾特別，好好飲。朋友點鐘叫左士多啤梨沙冰，夏天飲真係一流！總括嚟講，平均每人$70左右，食得好滿足，下次過嚟奧海城一定會再嚟！