大街中有間設計獨特的門面，不難找到。一入去已被裝修吸引，帶點北歐工業風，亦有點港式元素。
過咗lunch time 高峰時間，所以只係剩低一，兩枱客人， 分外有一份放假感覺。
由於我太肚餓，一見到All day breakfast有安格斯肉眼扒就決定食這個餐，另外同事就點了安格斯牛扒薯條及沙律。到櫃面點了餐，就到對面枱自取餐具、水及醬汁，過了不久兩份餐亦隨隨送上。先講賣相已非常吸引，兩份餐均放在砧板上，打卡影相一流。
All day breakfast包含安格斯肉眼扒、薯餅、沙律菜、茄汁豆、炒蛋、芝士大啡菇、蜜糖多士。一看就知份量充足一定飽肚，而且以$128這價錢可滿足鋸扒、all day breakfast仲包飲品已覺超值，但當然要試真味道先可作定論。薯餅夠香口、沙律菜新鮮、炒蛋有黑松露醬放上面立即感覺高級了😆這三樣基本食物都已屬好評，但更為吸引的有大啡菇，芝士焗得剛好，有拉絲，大啡菇亦相當juicy。蜜糖多士脆但不乾身，而且蜜糖味香濃。整個餐主角當然是安格斯肉眼扒，上面放有蒜蓉，我點了5成熟，切開眼見煎得恰到好處，表面煎得夠香，咬入口肉汁充足，牛肉味非常豐富。簡單總結完成值回票價。
同事所點的安格斯牛扒薯條及沙律，基本上只是少了一些配菜，整體上同事都食得非常滿意。最後吃得飽飽，再杯伯爵茶減低罪惡感。
