身為港島人嘅我地，自然都系揀返港島區架啦
最後揀咗天后叄不館 City of Darkness
一上到去已經覺得好有feel
大玩香港60，70年代懷舊裝修，配合經典粵語歌曲
連店員嘅服裝都系特登襯返個環境
成個氣氛好好👍🏻
食之前緊系要調返個靈魂醬汁
店員好細心咁介紹每款醬料
最特別系佢哋嘅自家制
食完我都大推店鋪自家制嘅蔥油醬
超香超濃蔥油味🤤
通常打邊爐我都會揀鴛鴦鍋
咁樣就可以食到兩款湯底
試咗沙嗲鍋同埋玫瑰花🌹藥膳
玫瑰花味就無乜，但藥膳味都幾香
一路食都聞到淡淡藥膳香
食物方面，新鮮海鮮好似蝦同鮑魚都唔錯，好爽口
牛肉都有好多款選擇，有本地手切牛、封門柳、安格斯牛頸脊等等
我自己揀咗手切封門柳，牛味香濃
另外都嗌咗好多唔同野食
推介大家一定要嗌紫菜炸響鈴
炸到好酥脆，入邊包埋紫菜，口感好得意
店鋪而家仲做緊限時優惠
Follow餐廳社交平台可以有優惠價一蚊享用指定啤酒
啱哂打邊爐嘅時候飲番杯🍻
4
