我係人生第一次打食評因為真係俾錢買難受，難食到傻。本身老公生日，見到間鋪頭幾有特色，所以俾左機會，點知一切都係伏既開始。
叫左2人餐（$388），過咗半個鐘佢先上餐湯（茄汁+水既味道，凍左既湯完全見到分開2層）同埋一個吾知搽左咩醬既多士（食左落口都吾知係咩）。同2023年既食評一樣！大家都係話「蕃茄湯但淡過水」
第二道所謂前菜「焗田螺」，螺肉好咸，同個殼係分離（懷疑係個殼重用？）薯容極小！因為個碟係白色（以為好深，點知得面個層係薯容！）
第三個main, 係pizza！叫左煙三文魚/煙肉/腸/菠蘿，上到台發現pizza係餅乾底？！（小學生整pizza個種）pizza餸同餅底一切就會分離。菠蘿每塊pizza得一粒！係一粒！其餘叫左既餸都食吾到/睇吾出（因為啲白色芝士覆蓋哂！）仲聲稱自己pizza價值$168（單叫）$188（跟餐）
另一個main ，呢個先最嬲！成餐真係愈食愈嬲，再等多半個鐘上左個散晒嘅千層面，千層麵個塊麵係淋到一個點（似係超市急凍叮番熱食個種質素）冇肉碎！芝士又溶吾到（一舊舊，但試想想點解岩岩焗完又變番一舊舊既質地？）仲要食食下覺得有陣酸臭味。
最後甜品竟然只係果凍？！自己用啫喱粉都做到個種！食落口除左糖+水既味道，完全吾知食緊咩！仲話呢個所謂2人餐，個餐係包果凍only!想食其他甜品要再俾錢！
食完睇番openrice既食評，揀直差天共地！完全係買account寫假食評！大家睇番2024年既post，每個post既影相style/角度都係極相似！整體真係太趕客！
Ps ：最後問番老闆係咪廚師有事影響廚藝，佢仲話冇問題！係大家口味吾岩！所以大家真係見人見致！吾好盲目相信openrice既好評！
