一落去就見到金鶴拉麵，之前經過幾次都無試過，就入去試下😛
入到去環境闊落，唔似其他拉麵舖咁逼，亦舒服到可以傾下計添
我同女朋友肚好餓，決定叫lee度ge招牌菜先！
金鶴雞白湯拉麵
店員上菜個陣，首先會講解下碗入面新鮮炸ge牛蒡，黑豚肉，同埋嫩雞肉，建議先食雞肉，浸湯太耐會影響肉質。牛蒡甜甜地亦好脆，雞肉唔會un，易咬雞味濃。但重點係個雞湯！我個人平時食其他拉麵都覺得其他雞湯唔太天然/好油，但lee個雞湯充滿雞味之餘唔似味精，感覺好天然。我重要飲埋個湯😋
活燒蒲燒鰻魚飯
鰻魚飯係連埋八爪魚同鰻魚清湯，鰻魚飯燒到皮脆香軟，而鰻魚亦厚（專登影左相），我女朋友作為鰻魚控非常鍾意🤗
鰻魚湯入面有鰻魚骨，雖然味唔重，但清清地都幾好。
食完今次，我係會再黎ge！下次要試佢個史上極濃板雞湯拉麵！
