Video
Read full review
2016-10-02
2855 views
又到出comission嘅日子，當然要獎勵一下自己食餐好嘅！其實響香港食過咁多唔同嘅野，都未試過食和牛，呢度嘅食評都唔錯，就黎試下！叫咗啲前菜，首先用沙律開開胃，雖然而家唔係芒果嘅季節，但呢度芒果依然入口鮮甜，好意外！配上脆卜卜嘅蟹籽同青瓜絲，感覺好清新。平時食得雞泡魚干多，今次試吓呢度嘅五味魚翅，感覺比雞泡魚好𡁻口，無咁甜但多一份咸香。我哋試多一個洋蔥墨魚咀，呢個除咗洋蔥多之外仲好多蒜蓉，入口極香口！不過略嫌油較多。佐酒小吃永遠冇人嫌多，我地叫埋椒鹽白飯魚。真正外脆內軟，平時食嘅白飯魚較單薄，呢度有肉地，幾好食！呢一個係其中一個吸引我選擇嚟食呢度嘅菜，和牛刺身雪山！一上場十分之吸睛！一片片雪花均勻，油脂豐腴嘅和牛片圍成一座山，中間加左乾冰不斷冒出充滿仙氣既煙！未食已經令大家超興奮！和牛刺身厚薄適中，味道有少少似吞拿魚刺身，而且入口即溶！但食超過兩片的話會感覺好膩。黎呢度點可以唔食和牛燒肉？呢度用嘅係近江和牛，一上枱見到各款和牛都雪花油脂豐富、分布均勻，和牛西冷，牛肩，牛頸，牛脷。全部都入口即溶，牛味勁濃！個人最鍾意係燒牛肩！職員在旁教導，牛放落窩度燒大概20秒至30秒，表面有一點點嘅
叫咗啲前菜，首先用沙律開開胃，雖然而家唔係芒果嘅季節，但呢度芒果依然入口鮮甜，好意外！配上脆卜卜嘅蟹籽同青瓜絲，感覺好清新。
平時食得雞泡魚干多，今次試吓呢度嘅五味魚翅，感覺比雞泡魚好𡁻口，無咁甜但多一份咸香。
我哋試多一個洋蔥墨魚咀，呢個除咗洋蔥多之外仲好多蒜蓉，入口極香口！不過略嫌油較多。
佐酒小吃永遠冇人嫌多，我地叫埋椒鹽白飯魚。真正外脆內軟，平時食嘅白飯魚較單薄，呢度有肉地，幾好食！
呢一個係其中一個吸引我選擇嚟食呢度嘅菜，和牛刺身雪山！一上場十分之吸睛！一片片雪花均勻，油脂豐腴嘅和牛片圍成一座山，中間加左乾冰不斷冒出充滿仙氣既煙！未食已經令大家超興奮！和牛刺身厚薄適中，味道有少少似吞拿魚刺身，而且入口即溶！但食超過兩片的話會感覺好膩。
黎呢度點可以唔食和牛燒肉？呢度用嘅係近江和牛，一上枱見到各款和牛都雪花油脂豐富、分布均勻，和牛西冷，牛肩，牛頸，牛脷。全部都入口即溶，牛味勁濃！個人最鍾意係燒牛肩！職員在旁教導，牛放落窩度燒大概20秒至30秒，表面有一點點嘅血水冒出就可以反轉再燒20零秒，就係最佳嘅時機！
除咗和牛之外，我哋都點左雪場蟹腳！入口蟹肉彈牙，仲有少少蟹汁唔乾，好好食！
刺身5點，包括牡丹蝦，秋刀魚，帶子！職員話而家係秋刀魚的季節，秋刀魚刺身我都係第一次食，入口甜，小小𡁻頭，感覺唔肥膩。牡丹蝦同埋帶子都出乎意料之外咁厚肉鮮甜！超正！好似置身築地！
最尾我哋大家都想食啲菜，我以叫咗一個泡菜豚肉鍋！窩入面有大量嘅蔬菜同菇，湯底味道濃郁，豚肉彈牙！
食過呢一餐，我哋一位人都感覺大飽口福同眼福！
Post
