Xia Mian Guan (Zone A, Lok Fu Place)

食咗間極失望既瀛豐之後. 朋友提議去試夏麵館, 希望可以彌補返上次既心靈創傷.  間鋪對未嚟過既人嚟講都有d難揾. 唔識去既最好直接問information.

講返有咩食, 放題除咗蟹之外. 重包咗其他小菜,小籠包同埋薑茶, 不過就唔係任食, 係跟人數嚟定數量同款式.  詳情可睇返下圖

1

點好菜, 同蟹既數量之後就會每人比一SET食蟹工具

蟹未嚟但小菜就先到. 樣樣都唔錯, 我最鐘意既係蟹粉扒芥蘭. 勁多蟹粉. 成羹成羹咁食, 好滿足. 

虎皮素鵝

川味口水雞

美味海蜇

賽螃蟹

糖醋魚塊

回鍋肉

蟹粉扒芥蘭

蟹粉小籠包

食食下蟹就嚟啦. 唔係好大隻, 但起碼隻隻新鮮, 無死蟹. 但就有D無膏既情況出現.

食蟹食到一半, waiter攞咗每人一碗面盆咁大既陽春麵. 我地即時stop佢. 因為絶對唔會食得落(哂). 跟本就唔係"迷你"版. 建議大家落單時可以自行衡量要定唔要. 唔要就可以落單時同佢講, 唔洗浪費, 亦可以將quota專心既放返落蟹度

陽春麵

總括而言, 食品同蟹既水準都唔錯. 只係要係限定時間內又食小菜, 又麵, 食到蟹既時間真係不多. 我地就每人只係食到3隻T_T. 戰鬥力極低. 

而且有樣唔太鐘意既係, 一般其他放題店會早半個鐘提提你last order. 但呢間無. 係我地好努力咁清緊小菜同麵既時候. 佢已經比咗張單我地, 而且話單已cut. 嗰下感覺真係唔係咁良好.