Plato Cafe & Bistro (吳松街)

手上的大project 終於完成，係時間善待自己，食返餐好。今日，與同事來到佐敦吳松街的Plato Cafe & Bistro，貪佢環境舒適，食物選擇多，我們最後點了兩個午餐，一個是美式燒春雞配薯菜，另一個是美國肉眼配意粉。既然叫得善待自己，當然叫得豪氣一點，加了$28升級龍蝦餐湯，龍蝦湯相當有龍蝦味，味不假，相信廚師落了不少龍蝦殻煮製而成，比多$28絶對合理。至於main course，美式燒春雞大大隻，燒得剛好，肉質仍保持嫩滑，而薯條即叫即炸，值得一讚；美國肉眼叫左medium，生熟剛好，肉味濃，不錯不錯。最驚喜的是餐廳有甜品加，加$38可點一個朱古力心太軟，甜品製作需時十五分鐘，焗完的朱古力心太軟立即上枱，配上雲尼拿雪糕，一冷一熱，冰火二重奏，感覺新奇。總括而言，餐廳的食物水準高，服務好，值得再來。