Villa Villa

朋友想試呢間特色西餐，因為唔可以訂位，所以一放工就黎左羅位。好彩好多人都選擇唔等位而走左，所以就等左半個鐘就有位啦。

間餐廳完全係一間小店，面積真係好小，隔離台同你係唔超過一個手掌位，係呢個有土地問題既香黎講，大家都已經習慣。餐廳既裝潢好別致，可惜因為太細太趕，無咩心情欣賞。因為太多人排隊，所以得個半鐘進餐時間。

餐廳主要食意大利菜，主打意粉、飯，有set dinner。因為我同朋友都想食pizza，所以就決定左叫pizza加小食，而唔叫set dinner。

芝士味濃，薄餅好脆

$108

雙重芝士脆薄餅 （4/5分）
薄餅好脆身，但又唔會好似薯片甘，得一陣風，不過就食唔到有墨魚汁既味。芝士味好濃，加上蕃茄醬，好清爽，唔會膩。不過，個pizza好大個，兩個人食會太多，如果有二人份會更好

青口新鮮肉嫩，但比較細隻

$198

藍青口 （4/5分）
青口新鮮肉好嫩，個汁有少少蕃茄碎、蒜蓉，比較清淡，個汁再重味d會更好。青口比較細隻，份量比較少

薯條好有蛋黃味

$48

黃金炒薯條 （4/5分）
朋友話呢個好特別，一定要試。其實就好似黃金蝦既味，但主角變左薯條，薯條外面有一層咸蛋黃。因為甘，薯條會比較硬同唔夠脆。加上青口汁食唔錯。如果就甘齋食，會比較'流'，因為好蛋咸蛋黃下。

整體黎講，食物都幾好，見到其他人食既意粉都幾吸引。可惜，就係坐得比較迫同食得比較趕。